Landaren hitzetan, "orain arte jasotako datuek adierazten dute getxoztarrak, gero eta gehiago bi hizkuntza ofizialen arteko bizikidetza natural eta etengabekoaren aldekoak direla eta, egunetik egunera, euskara eta gaztelania hurbiltzen ari direla". Besteak beste, honako hauek argudiatu ditu zinegotziak baieztapen hori egiteko:
- Gaur egun, 16 urtetik gorako 1.500 pertsona baino gehiagok ikasten dute euskara urtero Getxo udalerriko euskaltegietan eta haietariko 60 beste lurralde batzuetatik etorritako etorkinak dira (Euskal Autonomia Erkidegoko portzentajerik handiena). Era berean, Getxoko ikasleen %75ek eredu elebidunetan –B eta D ereduei buruz– ikasten dute..
- Gainera, hezkuntza eredu elebidunen hazkundea etengabea da eta dagoeneko 1.000 elkartek, merkatarik eta ostalaritzako establezimenduk baino gehiagok egin dute bat GEHI programarekin.
- Halaber, udalerriko kirol elkarteetako langile eta begiralerik gehienak euskaraz lan egiteko gai dira. Udalak, bere aldetik, nahi duenari euskara ikasteko diru laguntzak ematen segituko du.
- Azpimarratu herritarrei egindako azken iritzi inkestan 10 gaineko puntuaketan herritarrek 6,9 puntu eman dizkietela euskara sustatzeko aurrera eramaten ari diren ekitaldiei.
"Bi hizkuntza ofizialen, hots, euskara eta gaztelaniaren arteko bizikidetza askatasunean sustatzea" da Getxoko Udalak martxan jarri duen Euskara Bizi euskararen erabileraren ganeko sent sibizazio kanpaina berriaren helburua. Oraingo hau herritar guztiei zuzenduta dago, ez aurrekoak bezala arlo zehatz batzuetara (gazteria, merkataritza edota kultur eta kirol taldeei bereziki zuzenduta egon direnak). Imanol Landak Lehendakaritza zinegotziak atzo adierazitakoaren arabera, “oraingo leloak azpimarratzen du norberak bere aukera duela eta Getxon denontzako lekua dagoela". Udalak 35.000 esku orri banatuko ditu getxoztarren etxeetan. Argazkian, kanpainaren irudia: "hainbat ezaugarri desberdinak dituzten pertsona batzuen argazkia erakusten du, gaur egun udalerrian, bai pertsonei, bai erabiltzen dituzten hizkuntzei lotuta dagoen aniztasuna azpimarratzeko", Landak azaldutakoaren arabera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun