Honako hauek dira egingo dituzten jarduerak:
Uztailaren 3tik 5era
- Grafiti tailerra.
Uztailak 6, osteguna
- Butroi ibaian kayak jaitsiera.
Uztailak 7, ostirala
- Gamarrako igerilekuetara txangoa.
Uztailaren 10etik 14ra
- Surf ikastaroa. Ostiralean egun osoa emango dute hondartzan.
Uztailaren 17tik 20ra
- Zine tailerra. Asteazken eta ostegunean mozorro eta dekorazio tailerra ere egongo da.
Uztailak 21, ostirala
- Gynkhana uretan, gastronomia lehiaketa eta bazkari herrikoia.
Uztailerako hainbat jarduera antolatu ditu Berangoko Gaztelekuak
2006ko eka. 9a, 18:55
Uztailean, bere ohiko jarduerak alde batera utzi eta Uda Gaztea egitasmoari ekingo dio Berangoko Gaztelekuak. 13 eta 18 urte bitarteko neska-mutilei zuzenduta, aipatu udalerrian erroldatutakoek izango dute lehentasuna partaide kopuru mugatua daukaten ekintzetan; ordaindu beharrekoak merkeago ere aterako zaizkie berangoztarrei. Gauzak horrela, uztailaren 3tik 21era izango du iraupena Uda Gaztea egitasmoak eta astelehenetik ostiralera izango dira jarduerak, 16:00etatik 20:00etara. Hala ere, baliteke ordutegia aldatzea, burutu nahi den ekintzaren arabera, Berangoko Udaleko iturriek azaldu dutenez. Argazkia: surf ikastaroa egingo dute uztailaren 10etik 14ra.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun