Batzarrak
Bestalde, lau batzar antolatu dituzte HAPOa LZPra egokitzeko prozesuaren inguruan. Lehenengoa kanpainaren abiatze egunean izango da, ekainaren 14an, arratsaldeko 7etan, Villamonteko kultur aretoan. Saio ireki horretan agiria aurkezteko dute. Aste bat beranduago, leku eta ordu berean, Ingurumen Foroari aurkeztuko diote, bertan agiriaren idazlarien taldea izango dela. Ekainaren 27an, berriz, Getxoko Boluntariotza Elkarteen Federazioari eta gainontzeko elkarteei begira jardungo dute, Boluntariotzaren lokaletan, 19:00etan. Azken aurkezpena irekia izango da eta Areetako kultur aretoan egingo dute ekainaren 29an, ordu berean.
Iradokizunak Herritarren Arretarako Bulegoetan eta agirien Erregistro Orokorrean hartu eta erregistratuko dira.
Gaiaren inguruko berriak:
Getxon 8.368 etxebizitza eraikitzeko hiri antolaketako aldaketak iragarri ditu Getxoko Udal Gobernuak (2006 Mai 22)
HAPOren moldaketen berri emateko lau aurkezpen eta lau erakusketa egingo ditu Getxoko Udalak
Getxon 8.368 etxebizitza eraikitzeko eta beste ekimen batzuk egiteko asmoz, Getxoko Hiri Antolaketarako Plangintza Orokorra (HAPO) Lurralde Zatikako Plangintzara (LZP) egokituko du Getxoko Udalak. Horren berri emateko eta “herritarrek informazio argia eta oso osoa izan dezaten bermatzeko” lau batzar eta lau erakusketa antolatu ditu Getxoko Gizarte Zerbitzuak, Etxebizitza eta Hiri Planeamenduko Arloak. Getxoko Udalaren arabera, aipatu saioek “parte hartzea eta kontsulta sustatuko” dituzte. Jendarteratze kanpaina datorren asteazkenean, ekainak 14, hasiko da. Egun horretan, udalerriko lau kultur aretoetan ikusgai izango da HAPO Bilbo Metropoliko LZPren xedapenetara egokitzeko agiria prestatzeko hainbat material. Data berean, honi buruzko informazioa jarriko dute www.getxo.net udal webgunean eta, agiri osoa nahi duenarentzat, udal bulego teknikoan, Foruak kaleko 6. atarian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun