Goizean dultzaineroaek Leioan zehar ibili ziren kalejira egiten San Bartolome auzoraino. Heltzean, indarrak berreskuratzeko terraza eta freskagarriak prest zeuzkaten antolatzaileek. Baina eguneko bero handiari aurre egin ahal izateko era bakarra ez zen hori izan. Egun osoan zehar umeek eta helduek ur puxika gerran ibili ziren lantzean behin. Izan ere, haurren presentzia oso nabarmena izan zen, eta haientzat prestaturiko jolasetan ezezik saltsa guztietan ibili ziren.
Datorren urtera arte
Baina, jende kopuruak aurreikuspen guztiak gainditu zuenez, txitxiburruntzian eta herri bazkarian antolakuntzak nola edo hala egin behar izan zion lekua jende uholde hari, tartean dantza emanaldi partehartzailea izan zela. Bazkalostean, berriz, Erdixka Lauetan taldearekin jira eta bira ibili zen jendea, arratsaldeko azken ordura arte.
Berbalamiñeko kideek lehenengo balorazioak eginda, Sarasolak argi eta garbi adierazi du taldearen erabakia: "datorren urtean II. Txitxiburruntzi eguna izango da, eta orain ezinezkoa iruditzen bazait ere, oraindik arrakasta handiagoa izango du".
Berbalamiñe euskara elkartearen ekimenez, pasa den igandean San Bartolome auzoan berreskuratu zuten antzinean negua amaitu ostean Leioan eta inguruetan baserritarrek eta kaletarrek ospatzen zuten egunpasaren ohitura. Usadioei jarraikiz edota azturak berpiztu nahian, ehunaka lagun parte hartu zuten eguerditik prestatutako ekitaldietan, tartean dantzak, haur jolasak, herri bazkaria, erromeria eta, zelan ez, txitxiburruntzian. Giro ona, jai giroa eta euskara izan ziren eguraldi ederrarekin batera eguneko protagonistak. Arantxi Sarasola Berbalamiñeko kidearentzat arrakastaren sekretua elkarlanean dago, San Bartolomeko auzokide elkarteak, Auzotarrak kultur etxekoek eta bertako jai batzordeak "buru belarri lan egin baitute" Berbalamiñerekin batera Leioako zein inguruko euskaltzaleek ahalik eta gehien gozatzeko. "Guztion artean gehiengoa jo dugu, baita gainditu ere", azaldu du Sarasolak igandeko giroa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun