Larunbatean, berriz, Ike Turnerr igo zen oholtzara, aurtengo jaialdiaren kontzertu nagusian. The Kings Of Rhythm taldeak lagunduta, Turnerrek erakutsi zuen 75 urte ez direla oztopo musika ona egiteko. Portu Zaharrean bildu ziren 6.000 lagunek erritmo anitzeko saio batez gozatu zuten: boogie-a, swing-a, blues-a eta rock'n blues-a entzun ahal izan zuten bi orduz.
Azkenik, Getxo&Bluesi amaiera bikaina eman zion Nora Jean Brusok, gaur egungo blues panoramaren abeslari ospetsuenetariko bat. 2.000 lagun hurbildu ziren Portu Zaharrera Greenwood (Mississippi) bere jaioterriko gospel taldeetan trebatu zen kantari honen ahots indartsu eta sakonaz gozatzeko, Koko Taylor edo Big Mama Thorton abeslari handien ildo beretik jarraitzen duena.
Getxoko Blues Jaialdiaren XVIII. edizioak 11.000 ikusle izan ditu Getxoko Kultur Etxeak emandako datuen arabera. Ohi bezala, hainbat estilotako musikariak eta taldeak bildu dira Algortako Portu Zaharrean. Bertan, Travellin' Brothers, Carey eta Lurrie Bell, Ike Turner & The Kings Of Rhythm eta Nora Jean Bruso (argazkian) aritu ziren ostiraletik igandera arte. Lehenengo jardunaldian, Travellin' Brothers euskal taldeak "This Is The Line" diskoa aurkeztu zuen eta ondo berotu zuen giroa kontzertu nagusirako. Horrezkero, Carey Bell izan zen protagonista, blues eszenaren harmonika jole garrantzitsuenetariko dena, hain zuzen ere. Getxon eskaini zuen saioan bere Lurrie Bell (kitarra) semearen laguntzaz jardun zuen musikari ospetsu honek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun