Berangoko Kortiñe eskola librea elkarrizketatu du Pititakok "Jakina" aldizkarian

Pititako Informatzen kolektiboak kaleratzen duen "Jakina" hilabetekariak arreta berezia eskaini dio ekaineko zenbakian Berangon sortzen ari den Kortiñe eskola libreari. Gune hori hezkuntza inguruko kezkak dituen pertsona talde baten ekimenez sortu da, prozesu luze baina gogotsu baten bidez. Izan ere, Kortiñe proiektua dinamizatzen ari diren pertsonek egungo hezkuntza ereduak aztertu dituzte kritikoki eta hor topatutako akatsak konpontzeko asmoz, arreta berezia eskaini diete eskola libreei, tartean Iruñako Tximeletari, Madrilgo A la Vidari, Meridako Paideiari eta Ekuadorko Escuela Pestallozziri. Horrezkero, pasa den martxotik aurrera batzarrak antolatu dituzte gurasoekin eta irailerako Kortiñe eskola librea zabaltzea espero dute. Argazkia: Pititako.