Bestalde, Juan Ignacio Perez EHUko errektoreak esker ona adierazi zuen Bizkaiko Foru Aldundiarekin sinaturiko hitzarmenagatik. Instituzioen mailan inoiz sinaturiko akordiorik "bikain, historiko" eta, finantzari dagokionez, "garrantzitsuena" dela ziurtatu zuen, "Eusko Jaurlaritza kanpoan utzita, legez kolaboratu behar duelako". Campus teknologikorako 28 milioi euroko ekarpena egutegi baten bitartez burutuko da. Diru-aguntzarik handiena 2006an emango da, 15 milioi eurorekin; 2007an zazpi milioi emango dira; eta 2008an, beste sei milioi.
Erakustazoka
Bestalde, Bizkaiko Foru Aldundiak konpromisoa hartu du 50 urtez EHUri emateko Bilboko antzinako erakustazokaren lursailean dagozkion hirigintza-eskubideen titulartasuna. Halaber, EHUk foru erakundeari bueltatuko dizkio Ingeniaritza Tekniko Industrialaren Unibertsitate-Eskolako (Kasilla plaza) eta Enpresa-Ikasketen Unibertsitate-Eskolako (Elkano, 21) zentroak, erabilera akademikorako operatiboak ez direnean. Foru erakundearen asmoa da, epe laburrean, Kasillako eta Elkanoko Enpresa-Ikasketen Eskolako hirigintza-eskubideak erabiltzea Gizartekintza eta Nekazaritza sailetarako foru eraikin bat sortzea, egun alokaturiko egoitzetan baitaude.
Euskal Herriko Unibertsitateak (EHU) eta Bizkaiko Foru Aldundiak lankidetza-hitzarmena sinatu zuten ostiralean Bilbon. Horren arabera, foru erakundeak 28 milioi euro emango dizkio unibertsitateari Bizkaian campus teknologikoa bultzatzeko. Halaber, beste bi milioi euro emango dizkio EHUk Leioan duen lursailean kokatuko den lorategi botanikorako. Jose Luis Bilbao Bizkaiko ahaldun nagusiak adierazi zuenez, "campus teknologikoaren proiektu handizalea, estrategikoa eta etorkizunekoa" babesteko foru erakundeak duen konpromisoaren "gauzatzea" izan da gaur izenpeturiko hitzarmena. Bere ustez, "konprometitu behar zen herri-proiektu batean" sartu da EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun