Itsasadarreko uretan islatzen diren irudiek osatzen dute lana, gaztelaniazko eta euskarazko demaklazio poetiko ezberdinekin. Ricardo Odriozola konpositore, biolinista eta Bergeneko (Norvegia) Unibertsitateko Musika Eskolako irakasleak sortu eta interpretatu du musika, eta euskararako moldaketa Joxerra Gartziak egin du.
Ikus-entzunezko poemak esperimentalismoaren herentzia hartu du eta, bereziki, poesia konkretu-bisualarena, 1970ko hamarkadan gorenean egon zena eta egun Latinoamerikan indarrez berpizten ari dena. "Islak-Reflejos" joan den maiatzean aurkeztu zitzaion publikoari Bilboko Barrainkua Aretoan.
Habanako Arte Digitalaren Aretoa eta Solasaldien helburua teknologia berrien bitartez sorturiko balore artistikoak eta kulturalak sustatzea da. Pablo de la Torriente Brau Zentro Kulturalak, Habanako Historialariaren Bulegoak, ENET/ETECSAko Cubasi Atariak, Kubako Idazleen eta Artisten Batasunak eta Arte eta Industriaren Institutu Kubatarrak hartzen duten ekimenaren antolakuntzan.
Julio Garcia Llopisen "Islak-Reflejos" ikus-entzunezko poemak Habanako Arte Digitalaren Aretoan parte hartuko du
Julio Garcia Llopis EHUko Ikus-entzunezko Komunikazio irakaslearen "Islak-Reflejos" izenburuko ikus-entzunezko poemak Habanako Arte Digitalaren VIII. Azoka eta Solasaldian parte hartuko dute. Nazioarteko epaimahai batek aukeratu dute Llopisen obra, beste 400 lanen artean. HUko iturriek prentsa-ohar bidez jakinarazi dutenez, azoka kubatarra gaurtik igandera bitartean ospatuko da, eta aurten bidearteari dedikatuta dago. Bi maila izango dira: Erakusketa Nazionala, lehiaketa izaerakoa; eta Nazioarteko Erakusketa, on line erakusten diren beste herrialdeetako obrak bilduz. "Islak-Reflejos" poema asteazkenean eta ostiralean ikusi ahal izango da. Bilboko itsasadarrean inspiraturiko 17 minutuko ikus-entzunezko muntaia bat da, eta "Bilbo biolin baten ariman" izeneko hiriari buruzko trilogiaren baitan kokatzen da. Argazkian, filmeko fotogrametako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun