Mila tirabira egon ziren eta Udalak aurkezten zizkigun jaien aurrean, berriro Jai Batzordeak eta Txosna Batzordeak bere kabuz egindako jaiak burutzeko asmoa piztu zen. Horren aurrean Udalak lehenago entzun nahi ez zituen eskakizun batzuk aztertzeko prest agertu zen. Horietatik, garrantzitsuena txosnen kokalekua zen. Izan ere, gure ustean txosnak herriaren erdigunean egon behar dira, denon eta denontzako izango den jaigune bakar eta zabal bat lortuz. Udalaren iritzia, ordea, desberdina da, eta herriaren kanpoaldean dagoen gune bat egokitu du txosnetarako. Gure ustean, toki hori herri gunetik urrun egoteaz gain, errepide arriskutsua du alboan non ibilgailuak, batez ere gaualdean, ziztu bizian pasatzen diren hondartzako tabernetarantz, Mungiarantz, eta abar; beste alde batetik kontaminazioaren kontua dago, ez baitago inongo hustubiderik, eta gainera ibaia eta ortuak daude alboan (azken hauek, ilegalak direnaren aitzakian, Udalak argudio bezala baliogabetu digun arren); gainera, zoruaren garbiketa zaila da, hartxintxarrez egina baita eta garbitzerakoan altxatu eta hautsa besterik ez da ateratzen, horrekin batera lubeta irristakor ugari daude, ipinitako egurrezko hesi horiek arriskurik kentzen ez dietenak; guzti hori gutxi bada ere, leku horrek ez dauka farolarik, iluntzean txosnen argi eskasa nahiko izango ez zelarik eta ondoan dagoen sastrakadi horretan eraso sexualak erraz gertatu ahal izango zitezkeelarik.
Gu tinko mantendu gara gurean eta horra ez goazela argi eta garbi esan dugu. Horregatik, hainbat barne eztabaida eta gero hemen gaude, Udalari beti berak inposatutakoa ez dela egingo erakusteko eta herriaren hitza ere entzun behar duela berriro ere esateko; eta aurten ez bada ere, etorkizunean gure helburua lortzeko.
Gora Sopela eta gora San Pedroko jaiak!
Sopelako Txosna Batzordea
Gaiaren inguruko berriak:
Udalari desobedientzia eginez udaletxe ondoan bi txosna jarri ditu Sopelako Txosna Batzordeak
Sopelako txosnetarako “egokia” eta “gertua” da Loroñoko parkinga Udalaren ustez (2006 Eka 28)
Txosnak babesteko udaletxean bertaratzera deitu dute Sopelako taldeek (2006 Eka 28)
La comisión de txosnas no acepta el "destierro" a Loroño (Gara, 2006 Eka 28)
Fiestas de San Pedro: no a las txoznas en Loroño (Sopelako Ezker Batua, 2006 Eka 25)
Urte honen hasieran, Sopelako hainbat kolektibo desberdin batu ginen, alde batetik Sopelako Jai Batzordea eta, beste aldetik, Txosna Batzordea eratuz, jai herrikoi eta partehartzaileak lortzeko asmoz; izan ere, azken urteotan, Udalak enpresa pribatuen esku utzi izan ditu jaiak herriaren nortasuna pixkanaka galduz. Bi batzorde hauek, batera baina nahastu gabe eramaten saiatu gara, Euskal Herrian txosnak jaietako parte garrantzitsua direla ulertuz. Gure kabuz hasi, ideiak komunean jarri, nahiak… eta Udalarekin jarri ginen kontaktuan; erantzunik ez, eta bat-batean prentsan iragarki bat agertu zen San Pedroetarako ideia lehiaketa iragarriz, jai batzorderik ez zegoenaren aitzakian. Ez gintuzten onartzen, baina hala ere jarraitu genuen eta, kostata, baina lortu genuen batzarra eta, ordutik, astero bildu izan gara. Gogorra izan da lana, Udalak mugiezinak ziren hainbat gauza inposatzen baitzizkigun, hainbat burugabekeriarekin batera: propagandarako gastu itzelak (8.000 euro), eta abar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun