Sei taldekidek musikari leinu luzekoak dira, eta New Orleanseko brass banden tradiziorik puruenean hazi eta hezi dira. Gazteak izan arren, musikari birtuosoak dira denak, blues, ragtime, gospel, funk, soul edo rock, edozer aise trebe jotzeko gai baitira. Musikariak Kenneth Terry (tronpeta), Corey Henry (tronboia), Reginald Steward (tronboia), Kerwin James (tuba), Kerry Hunter (perkusioa) eta Cayetano Hingle (perkusioa) dira.
Sustapen bidaia horrekin, Metro Bilbaok 30 urte beteko dituen kultur ekitaldiari gorazarre egin nahi izan dio. Urtero legez, Getxoko Jazzaldiak nazioartean izena duten artistak bilduko ditu, baita jazzaldiak musikarien belaunaldi berrien alde egiten duen apustua islatzen duten banda gazteak ere. New Birth Brass Band 12:15ean abiatuko da Zazpi Kaleetako geltokitik.
Getxoko Jazzaldiaren XXX. edizioa metroz helduko da Algortara goizeko 12:45etik aurrera. Izan ere, Metro Bilbaok jakinarazi duenez, garraio enpresa horrek bere omenalditxoa egin nahi izan dio Ibaizabal ondoko jaialdiari eta New Birth Brass Band jazzaldian jardungo duen taldea Bilboko metroaren 1. linean zehar ibiliko da, Zazpi Kaleetatik Algortaraino, hiriko trenaren bezeroen gozamenerako. Banda New Orleanseko haize instrumentuen taldeetako oraingo pizkundearen abangoardian dabil eta hip-hop, Mardi Graseko kantu indiarrak, funk, jazz modernoa eta tradiziozko soinuak nahasten ditu, erritmo amalgama oparoan eta, horrela, mota guztietako ekitaldietan parte hartu du, baita MTV telebistan ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun