Beraz, Itzubaltzeta / Erromora eta Negurira ezik udalerriko gune garrantzitsuetara eramango dira udal liburutegietako liburuak: Algortako Tangora, Kankamo eta Taberna Berri tabernetara eta Baires mintzalekura; Areetako Asdran mintzalekura eta Igeretxe-Agustin eta La Terraza tabernetara eta Getxoko Urrutietxe, Cubita-Aixerrota eta La Venta tabernetara. Horietan guztietan 20 bat liburu izango dira bertako bezeroen esku. Kanpainak irauten duen bitartean pertsona bat arduratuko da liburu horiek txukuntzeaz edota berri batzuk jartzeaz.
Bazkidetza ere egin daiteke
Esan bezala, liburutegitik kanpo, guztira, hamar lekutara eramango dira oso gai ezberdinetako liburuak eta horiekin batera liburutegi sareari buruzko edota bazkide egiteko informazioa. Nahi izanez gero, beraz, Getxoko udal liburutegietako bazkidea egiteko aukera izango du edonork. Gogoan izan behar da liburutegi publikoak erabiltzea erabat doan dela eta bazkide txartelak besteak beste liburuak maileguan etxera eramateko aukera ematen duela.
Getxoko udal liburutegiek liburuak tabernetara atereaz, Eusko Jaurlaritzako Kultura Ondarearen Zuzendaritzak irakurketa eta udal liburutegiak erabiltzeko martxan jarritako Irakurri kanpainaren bigarren zatian parte hartzen dute. Kanpainaren bigarren zatia udako oporren hasierarekin batera egin nahi izan da uda partean liburuekin ere gozatzerik badela adierazteko.
Asko dira Getxoko udal liburutegiek irakurketa sustatzeko urtean zehar egiten dituzten ekintzak, eta horien artean urte sasoi honetan aipagarriena da "Letren terrazak" izeneko ekintza. "Letren terrazak" ekintza horri esker uztaila eta abuztuan udalerriko hainbat tokiko kaleetan izango dira liburuak, tailerrak eta jokoak, besteak beste. Pasa den urtean ekintza hauetan 29.000 lagunek parte hartu zuten.
Irakurzaletasuna bultzatzeko tabernetan liburuak jarriko dituzte Getxoko udal liburutegiek
Irakurzaletasuna sustatzeko, Getxoko udal liburutegiek Algorta, Areeta eta Getxoko hainbat taberna, kafetegi eta mintzalekutan jendearen esku liburuak jarriko dituzte, datorren uztailaren 7ra arte. Era horretan gune horietara hurbiltzen den edonork gustukoa duen liburua gainetik ikusi, irakurri edota maileguan hartu eta etxera eramaterik izango du. Liburua irakurri ondoren Getxoko edozein udal bibliotekan bueltatzerik izango du, hau da, Villamonteko liburutegian, zein San Nikolas, Itzubaltzeta / Erromo edota Areetako liburutegietan. Ekintza horrek Getxon ahalik eta jende gehiagorengan eragina izan dezan, baita etorkin berriengan ere, aipatutako toki publiko horiek hautatu dira. Hauen artean mintzalekuak, etorkinek sarritan erabiltzen dituzten tokiak direlako. Argazkia: Northern green pixie.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun