Bilboko ertzain-etxeko agenteek O.B. 22 urteko Getxo udalerriko bizilaguna atxilotu zuten atzo (uztailak 2) goizean Bizkaiko hiriburuan, indarkeria erabilita lapurreta egitea leporatuta, Eusko Jaurlaritzako Herrizaingo Sailak jakinarazitakoaren arabera. Ustez, atxilotuak kaletik zihoan pertsona bati indarrez tira eginda kate bat lapurtu zion eta poliziak ikusterakoan, berarekin zegoen neska bati eman zion eta ihes egin zuen. Gertaerak ikusita, polizia agenteek 16 urte baino gutxiagoko emakumea eta O.B. atxilotu eta ertzain-etxera eraman zituzten. Egin beharreko izapideak amaitu ondoren, neska libre utzi zuten bere gurasoen babespean eta getxoztarra epailearen aurrera eraman zuten, Bilboko Guardiako Epaitegian.
Goizeko seiak laurden gutxitan, jaso zuen abisua Ertzaintzako patruila-auto batek, La Naja kalean (Bilbo) izandako lapurretaren harira. Berehala, agenteek biktima zegoen kalera bertaratu ziren eta honek lapurretaren egilea non zegoen esan zien, polizia iturriek azaldutakoaren arabera. Momentu horretan, ertzainek gizonarengana hurbildu ziren eta hauek ikustean berarekin zegoen neska bati objektu bat eman zion. Gizonak ihes egin zuen San Frantzisko kalea aldera eta neska bertan gelditu zen. Ondoren, inguruetan agenteek susmagarria geldiarazi zuten. Bestalde, neska identifikatu ostean, bere gauzen artean urre-koloreko kate bat eta medaila bat topatu zuten, Herrizaingo Sailak aipatu duenez. Biktimak objektu horiek bereak zirela adierazi zuen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun