Biharko emanaldian ikusiko diren filmak ondokoak dira: Ruben Ontiverosen "Quevidamastriste.com" bideobloga; Javier Gullonen "Blas"); Manuel Sanchez Muñozen "Casa"; Nacho Vigalondoren "Domingo" eta "Choque"; Daniel Chamorroren "24 isntantes"; Alberto Gonzalezen "Cirugia"; Daniel Rebnerren "Coolness"; Jose Atienza "Ati"-ren "Semántica"; Mikel Alvariñoren "Corrientes circulares"; Borja Cobeagaren "Eramos pocos"; Alvaro Brechnerren "Sofia"; Igor Lejarreta eta Emilio Perezen "El gran Zambini"; eta Jose Mari Goenagaren "Sintonia".
Ostiralean, berriz, Iñigo Iruretagoiena eta Amaia Urzelairen "Mezularia"; Iñigo Iruretagoiena eta Joseba Beristainen "Irreal?"; Asier Altunaren "Sarean"; Jon Garañoren "Berkeleyren tesia"; Elena Sierraren "Etxera"; eta Maialen Velezen "Maiteminez" film laburrak ikusi ahal izango dira. Gainera, Donostiako Larrotxene Kultur Etxeak hautatutako filmak ere eskainiko dira emanaldi honetan.
Zinemazaleek zuzendari gazteen film laburrak ikusteko aukera izango dute uztailaren 6an eta 7an Algortan, Gaurik Laburrena izeneko jardunaldietan. Ohi bezala, Biotz Alai plazan izango dira emanaldiak: bihar, gaztelaniazko filmak eskainiko dira, eta ostiralean, euskarazkoak. Emanaldiak 22:00etan hasiko dira eta sarrera dohainik izango da, Getxoko Kultur Etxeko iturriek gaur jakinarazi dutenez. "Eskaintza interesgarria izango da, mota ezberdineko filmak erakutsiko baitira. Gainera, aukera paregabea da zinemagile gazteen eta berrien lanak bultzatzeko, zuzendari gazteek euren lanak erakusteko aukera baitute", azaldu dute. Argazkia: Nacho Vigalondoren bi lan egongo dira ikusgai.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun