Alde horretatik, programak eskaera humanitario bati erantzuten dio, “baina ez dugu inolaz ere ahaztu behar programa horrek elkartasuna, errebindikazioa eta gizarte-sentsibilizazioa uztartzen dituela”. Izan ere, haurrak familia euskaldunetan hartzea bisita elkarreragile bihurtzen da, haurrek bizitza osoan oroituko dituzten oporrez gozatzen duten bitartean, familiek beste errealitate bat ezagutuko baitute parez pare; hain zuzen, Marokok ilegalki okupatu zion herrialdera itzultzeko irrikaz denbora luzean itxaroten ari den herriarena.
Gaiaren inguruko berriak:
Oporrak Bakean jaia Leioan uztailaren 16an (Saharatik.com)
Getxoko Udalak eta Sahararen aldeko Getxoko Atfal elkarteak Oporrak Bakean programarako urteko lankidetza hitzarmena sinatu dute (Getxo.net, 2006 Eka 29)
Saharatik.com bitakorak jakinarazi duenez, Sahararekiko EAEko elkarte solidarioen koordinakundeak Oporrak Bakean jaia antolatuko du Leioan uztailaren 16an, ume sahararren bisita dela eta. “Aurten ere gure autonomia erkidegoan Saharako haurrak egongo dira gure artean”, Euskadiko Fronte Polisarioko ordezkaritzak bideratutako Oporrak Bakean programaren bidez. Programa horri esker, Saharako haurrek zenbait hilabetez errefuxiatuen kanpamenduetako errealitate gordina ahazteko aukera daukate; izan ere, Saharako herria erbesteratua oso bizi-baldintza gogorretan bizi da bertan, 1975. urteaz geroztik. Argazkian, Saharako ume eta euskal elkartasun elkarteko kide batzuk Loiuko aireportuan Aminetu Haidar giza eskubideen ekintzalaria itxaroten / Saharatik.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun