HAPO LZPra egokitzeko dokumentuari alegazioak aurkeztu eta hitzaldiak antolatu ditu Getxo Biziak

Uztailaren 6an, Getxo Bizia herri plataformak, alegazioak aurkeztu zizkion udal erregistroan, Getxo udalerriko Hiri Antolamendurako Plan Orokorra (HAPO) Bilbo Metropoliaren Lurralde Zatikako Planaren (LZP) zehaztapenetara egokitzeko dokumentuari. Alegazioen testua eta horien harira egindako proposamenak euren webgunean aurkitu daitezke. Bestalde, "Hirigintza Plangintza zeharo aldatzeko Getxoko Udalak aurkeztu duen dokumetuaren aurrean" duten iritzia eta egin dituzten alegazioak azaltzeko hainbat hitzaldi antolatu dituzte: uztailaren 12an, 20:00etan, Algortako Itxasgane Kulturgunean; uztailaren 13an, 19:30ean, Erromoko Itzubaltzeta gaztetxean; eta, azkenik, uztailaren 17an, 19:30ean, Getxoko Andra Mari probalekuan. Argazkian, Javier Madrazo EAEko Etxebizitza sailburua eta Iñaki Zarraoa alkatea Getxon 8.000 BOE eraikitzeko planaren aurkezpenean.