Euskal jaia nagusi Kanbon Frantziako Itzuliaren bezperan

Bihar Kanbotik irtengo den Frantziako Itzuliaren etapa aitzakiatzat hartuta, gaur arratsaldean zehar animazioa eta festa izaten ari da Kanboko herriko etxetik abiatuta. Euskal Kultur Erakundeak bere talderako fitxatutako Igor Elortza, Unai Iturriaga (argazkian), Iñaki Gurrutxaga eta Amets Arzallus bertsolariek tropeletik tiratuko dute "Bertsulari-Tour" itzulian. Horrezkero, Patxi eta konpainia eta euskal dantzak izango dira San Josepe parkean. Era berean, "Euskal Herriko Aurpegiak" erakusketa Frantziako Itzuliaren gunean bisitatu ahal izango da eta Turismo Bulegoan "Euskal Herria Joan-Jinean" bideo-klipa ikusgai izango da. Argazkia: Patxi Gaztelumendi.