Etxebizitza eta Gizarte Gaietako Sailak lurzorua erosteko konpromisoa hartu du, datozen bost urteotan babespeko 1.200 etxebizitza eraikitzeko lanei ekiteko. Hitzarmenak eskumena ematen dio Sailari, sektore horietako jabe pribatuen eraikigarritasunaren %10aren lagapenetatik lortuko dituen lurzoruen erdiak lehentasunez eskuratzeko. Udalak, ohi denez, lurzorua Jaurlaritzari eskualdatzen dio, azalera-eskubidepean. Jaurlaritzak 140 milioi euro baino gehiago inbertituko ditu etxebizitza horietan.
Gaiaren inguruko berriak:
HAPO LZPra egokitzeko dokumentuari alegazioak aurkeztu eta hitzaldiak antolatu ditu Getxo Biziak
Getxoko HAPO Bilbo metropoliko LZPra egokitzea Lurzoruaren Legea ez betetzeko “inposaketa” da Aralarren ustez (2006 Uzt 07)
HAPOren moldaketen berri emateko lau aurkezpen eta lau erakusketa egingo ditu Getxoko Udalak (2006 Eka 09)
Getxon 8.368 etxebizitza eraikitzeko hiri antolaketako aldaketak iragarri ditu Getxoko Udal Gobernuak (2006 Mai 22)
Getxoko 8.000 etxebizitzak eraikitzeko hitzarmena onartu du Eusko Jaurlaritzak
2006ko uzt. 11a, 22:29
Gaur goizean Gasteizen bildutako Gobernu Kontseiluan, Eusko Jaurlaritzak onetsi du Getxoko Udalarekiko lankidetza hitzarmena. Akordio horren helburua Getxoko Hiri Antolamendurako Plan Orokorraren aldaketa puntualaren ondorioz birkalifikatutako lurzoruetan babespeko etxebizitzak sustatzea da. Getxoko hainbat eremutan, Azkorri, Arteaga, Martiturri, Saratxaga, Mimenaga eta Moreagan, 8.000 etxebizitza eraiki nahi dituzte Udalak eta Eusko Jaurlaritzak, horietatik 5.000tik gora babespekoak izango liratekeela. Eusko Jaurlaritzako Etxebizitza eta Gizarte Gaietako Sailak berak onartu duen bezala, aipatu zonaldeak berriro dentsifikatzeko udal erabakiari jarraituz, “erraz gainditu da lehengo antolamenduak biltzen zuen eraikuntza-aurreikuspena, 2.173 etxebizitzarena”. Javier Madrazok (argazkian) zuzentzen duen Sailaren arabera bi mila etxebizitzen plangintzak “familia bakarreko etxebizitza izateko espazio handiak” zituen eta, gainera, 2.173 etxebizitza horietatik 605 baino ez ziren babespekoak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun