Bizkaiko zubia eta Lemoizko Basarorda artean Euskara Zerbitzuek aurkitutako 200 bat lagun elkarrizketatuko dituzte. Grabaketek eskualdeko hizkuntz-ondarea (lexikoa, fonetika ...) eta etnolinguistikoa (eskualdeko abestiak, ipuinak, esakerak eta olerkiak) ikertzera lagunduko dute.
Uribe Kostako Mankomunitateak 36.899 euro jarriko ditu eta Getxoko Udalak, berriz, ikerketaren kostearen erdia baino zertxobait gehiago emango du, 39.197 euro. Guztira 76.096 euro inbertituko dira ikerketan.
Uribe Kostako azpieuskalkia aztertzeko 200 lagun elkarrizketatuko ditu Labayruk
2006ko uzt. 17a, 19:05
Uribe Kostako Mankomunitateak eta Getxoko Udalak Labayru euskal kulturaren erakundeari agindu diote Uribe Kostako zenbait udalerritako adineko euskal hiztunen gaineko ikerketa. Azterlana hiztunei grabaketak eginez egingo da eta ondoren material didaktikoa prestatuko du. Joan den uztailean Uribe Kostako Mankomunitateak eta Getxoko Udalak inguruko hizkuntz-ondarea berreskuratzeko eta zabaltzeko sinatutako hitzarmenaren (argazkian) ondorioa da ikerketa. Soinu eta Bideo grabaketetan batuko dituzte desagertzear dagoen Uribe Kostako azpieuskalkiaren adierak. “Adiera horiek gero eta hiztun gutxiagok erabiltzen dituzte, euskara bateratzeko joera baitago eta horregatik bildu beharreko hizkuntz-ondarea da” Iñaki Zarraoa Getxoko alkateak zehaztu duenez.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun