UKabilkada 2003ko udaberrian sortu zen, geroago Martin (baxua) kartzelan sartu zuten eta beste baxu baten bila ibili ziren. Oi, punk eta holakoen artean koka ditzakegu Goro UKabilkada (bateria), Lasa UKabilkada (baxua), Iker UKabilkada (gitarra), Piña UKabilkada (ahotsa) eta Martin UKabilkada (kartzelan, estatu espainiarrak dispertsatua). Kontzertuak eman dituzte Uribe Kostako inguruetan, euskaraz eta gazteleraz abesten dute eta beraien hitzetan: gu gara mendekua!
Argibide gehiagorako:
Telefonoa: (0034) 656 77 60 01
ukabilkada@hotmail.com
www.ukabilkada.info
Bai, bai ondo irakurri duzu. UKabilkada Uribe Kostako musika taldeak 8 abestiz osatutako maketa atera du jada. “Uribe Kosta astintzen”, “11M entiras”, “Kantauri itsasoa”, “Hienas de odio”, “Gorrotoa”, “Ez gara inoiz hilko”, “Enemigo” eta “Gu gara mendekua” abestiak entzun daitezke bertan. Abesti hauek aukeratu dituzte, euren ustez, taldearen izaera deskribatzen duten letrak daudelako bertan eta, egia esan, diru askorik ere ez zegoelako boskote honen poltsikoetan. Kolaborazioak izan dituzte, Mentxi kitarran eta Mouh handiak koro batzuk sartuta, hau guztiau Deustuko Tala Records estudioetan grabatu izan dute aspaldi bateko Zer Bizio taldeko Tomas eta Angelen agindupean. Denbora luzez buruan dantzan zuten ideia zen maketa bat grabatzearena. Izan ere, kontzertu nahiko emanda eta kamiseta mordoa salduta, zerbait falta zela uste zuten eta azkenean publiko fidel eta lagunen presioari esker posible egin dute. Portada gorriko maketa bera Uribe Kostako ohiko lekuetan aurki daiteke: besteak beste, Itzubaltzetako Branka, Kandilejas, eta Baste tabernetan zein gaztetxean, eta Algortako gaztetxean zein UK eta Traganarru tabernetan, 5 euro umilen truke. Argazkia: Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun