Gaiaren inguruko berriak:
Iker Gallastegiren esanak ikertuko ditu Auzitegi Nazional espainolak (2006 Uzt 18, baietz.org)
Iker Gallastegiren aurkako salaketa jarri dute (2006 Uzt 17, Etengabe)
Irantzu Gallastegi berangoztarrari 50 urteko espetxe zigorra ezarri diote (2006 Uzt 03)
Iker Gallastegi ikertuko du Espainiako Auzitegi Nazionalak
2006ko uzt. 19a, 16:01
Teresa Palacios Espainiako Auzitegi Nazionaleko 3. aretoko epaileak aintzat hartu du España y Libertad (Espainia Ta Askatasuna, ETA) plataformak Irantzu Gallastegi (argazkian) euskal preso politikoaren Iker Gallastegi osabaren aurka ezarritako helegitea. Aipatu plataformak salaketa ezarri zuen Gallastegiren aurka, Miguel Angel Blanco Ermuko PPko zinegotziaren heriotzaren inguruko bideo batean ustez esandakoagatik. Gallastegik honakoa adierazi zuen: “zergatik eskatu behar dugu barkamena? Guri nork eskatu digu barkamena frankismoaren 40 urteak direla eta? ETAn ez dago hiltzea gustatzen zaien horietakorik, ez dago. Haien egitekoa da, aberriaren betebeharra delako hiltzen dute”. España y Libertaden esanetan “terrorismoaren goratzea” egin zuen Gallastegik eta Teresa Palacios epaileak ontzat eman du helegitea eta ikerketa ireki du Gallastegiren aurka. Uribe Kostako Amnistiaren Aldeko Mugimenduak elkartasuna adierazi dio Iker Gallastegiri.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun