Pasa den astelehenean hainbat ezezagunek hildako arrainak bota zituzten Getxoko PPk Areetan duen bulegoaren kontra. Marisa Arrue alderdi horretako bozeramaileak gertatutakoa salatu eta Ertzaintzari horren berri eman dio. Getxoko zinegotziaren aburuz, gertatutakoaren aurrean, “ezin da ez ikusiarena egin bakoitzari komeni zaizkion interes politikoen arabera. ETA eta Batasuneko munduak bizitza demokratikora batzeko borondate ezaren beste adibide bat da” gertatutakoa. Gainera, “mandatari sozialisten itsukeria politikoaren” adierazlea ere bada Arruerentzat.
Popularren ustez “beldurraraztean tematzen direnak ezin dira Gobernuaren solaskide politikoak izan”. Era berean, gertaerari bestelako dimentsioa ere ematen diote: “jakin badakigu horrelako abisuak zelan bukatzen diren eta norekin hitz egiten dugun eta negoziazio politiko mahai batean norekin jesartzen garen guztiok jakin dezagun beharrezkoa da”. Ildo beretik, “bakea ezin da mehatxatzen dutenen eskutik etorri. Ahalegin horrek porrot egingo du seguru eta horrekin gizarte demokratiko osoak galtzen du. Behar baino zantzu gehiago dago ETA eta Batasuneko mundua inposizioan murgilduta jarraitzen duela kontuan hartzeko”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun