Hortaz, Getxoko tabernek zabalik eta garbi eduki beharko dituzte komunak jaietan. Komuna eta komun-ataria ere taberna zabalik dagoen orduetan irekita egon beharko dute, indarrean dagoen legediaren arabera. “Halaxe izan behar du arrazoi batzuengatik: batetik, taberna baten jarduera lizentziaren berezko betebeharra da; bigarrenik, zenbat eta jende gehiago pilatu are eta beharrezkoagoa izaten da; hirugarrenetik, bururik gabekoa litzateke pentsatzea tabernek diru gehiago irabazten dutenean komunak garbi edukitzeko kapazak ez direla izango; eta laugarrenetik, zerbitzu publikoa da, bai tabernara zer edo zer hartzera sartzen direnentzako bai bakarrik komuna erabiltzeko sartzen direnentzako irekita daudelako”, gehitu du Zarraoak.
Horrez gainera, kontzertuetako eta txosnetako ordutegien eta musikaren gaineko eta tabernetako kanpo aldean ipintzen diren barrak arautzen duen dekretuak indarrean izango dira jaietan.
15.000 euroko isuna eskura dezakete Getxoko tabernek jaietan komunak ixtekotan
2006ko uzt. 20a, 15:53
Iñaki Zarraoa Getxoko alkateak bandoa plazaratu du udalerriko tabernetako komunak jai-egun guztietan zabalik egon behar dutela gogoratzeko eta, horren ezean, 15.000 euro arteko isuna ekar lezakeela indarrean dagoen legea hausteak. Zarraoaren aburuz, bandoak aurreko urteetako egoerak berriro ez gertatzea du helburu: “tabernako jabeek sarri komunak itxi egiten zituzten jaietan eta hori Eusko Jaurlaritzaren osasun Sailaren lege beraren aurkakoa da. Arau berau gogora ekarri nahi dugu eta, horrekin batera, holakorik gerta ez dadin, zaindu egingo dugu betetzen den ala ez jakiteko”.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun