Jose Antonio Ramos artista kanariarrak tinplea inoiz entzun gabeko espektro akustikoan sartu du. Hainbat generotan sartu du aipatutako musika tresna (jazzean, flamenkoan, musika zeltiarrean, sinfonikoan...), eta bere lana eta proposamen berriak entzun dituztenen artean miresmena sortzea lortu du. Azkenik, Lolaimon taldea hainbat kontzeptu eta musika estilo hartuz abiatu zen musikaren munduan. Hori abiapuntu hartuta, beste zenbait musika arlo esperimentatzen hasi zen taldea bere irudimenaren mugak ezagutzeko. Erritmo latinoak eta flamenkoak oinarrizko zutabeak ditu taldeak, nahiz eta jazz, rock, funk edota reggae bezalako beste estilo batzuk ere erabiltzen dituen.
Jarduera osagarriei dagokienez, aurten ere Areetako Xake plazan dagoen Munduko Azokaz zein Itzubaltzeta /Erromoko Ibaiondo kalean kokatutako Bidezko Azokaz zein Munduko Terrazaz gozatu ahal izango dute bisitariek. Gainera, gaztetxoenek hainbat herritako tradiziozko jokoak izango dituzte eskura Taller de Geppetto elkarteak antolatutako Munduko Ludotekan.
Itsasotik lehorrera egingo du gaur Getxo Folk jaialdiak
2006ko ira. 3a, 20:38
Enzo Avitabile, Bottari taldearen laguntzaz, izango da protagonista nagusia gaur Getxo Folken. Eskarmentu handiko musikari italiar honek gaueko 21:30etik aurrera jardungo du Areetako Xake plazan. Eguneko musika-eskaintza Jose Antonio Ramos tinple-jole kanariarrak eta Gaztelako Lolaimon seikoteak osatuko dute Itzubaltzeta / Erromoko Santa Eugenia plazan eskainiko dituzten emanaldiekin, 19:00etan eta 23:15ean, hurrenez hurren. Ohi bezala, kontzertu guztietarako sarrera doakoa da. Enzo Avitabilen musikak Campaniako (tarantellaren sorterri gisa ezagutzen den Napoliko eskualdea) baserri-tradizio zaharrena biltzen du. Avitabile musikagile beteranoa da, hiru hamarkada baino luzeagoa den ibilbidea dauka bere atzean, eta musikaren kontzeptu originala garatu du. Mediterraneoko musikaren irudi garrantzitsua izanik, Enzo Avitabile soinu berrien bila dabil etengabe, eta horretarako Italiako musika tradizionala eta pop, rock, rap eta afrikar musika bateratu ditu, beste hainbat musika motaren artean. Argazkian, Enzo Avitabile jesarrita Bottari taldeko kide batzuen artean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun