Orain arteko grabaketetan bezala, Kepa Junkerak laguntzaile ugari izan ditu oraingoan ere; asko izan dira laguntzaileak, baina euren kalitatea eta inplikazioa ere handiak izan dira. Horietako batzuk Getxon ere izango dira bihar salmentarako kaleratuko den disko berri honen aurkezpenean.
Musikagile katalanek osatzen dute Tactequeté zazpikotea. Zortzi urte daramate taldean, eta denek eklektizismoa dute ezaugarri, nahiz eta perkusioa eta haizea diren euren ezaugarri nagusiak. Talde honen kontzertuek aukera ematen dute musika afrikarretatik hasi, funky esperimentaletik igaro eta erritmo latinoetara doazen musika motetan murgiltzeko.
Bestelako jarduerak
Kontzertuekin gertatuko den bezala, gaur azken aukera izango du publikoak Munduko Azoka eta Bidezko Azoka bisitatzeko. Bertan, eskulangintza eta Bidezko Merkataritzaren produktuak eros daitezke, hurrenez hurren. Kale banden desfileak ere amaituko dira, Eskoziako Stow Pipe Band, Bretainiako Bagad Pouldergat eta Italiako Sbandieratori del Palio di Asti taldeek azken kalejirak egingo baituzte. Azkenik, munduko hainbat herritako gastronomia eskaini eta hiru kontzertu hartu dituen Munduko Terraza ere itxiko da datorren urteko jaialadira arte.
Kepa Junkerak “Hiri” disko berria aurkeztuko du gaur Getxo Folk jaialdian
2006ko ira. 4a, 21:15
Kepa Junkerak “Hiri” izeneko bere azken diskoa aurkeztuko du gaur arratsaldeko 8etan Areetan, Getxo Folkeko XXII. edizioari luxuzko amaiera emanez. Aurkezpen honetarako hainbat artista gonbidatu ditu akordeoi-jole bilbotarrak: Alain Bonnin, Bulgarka, Alos Quartet, Eliseo Parra, Tactequeté, José Antonio Ramos eta Enzo Avitabile i Bottari, besteak beste. Eguneko programa Tactequeté talde katalanak osatzen du. Zazpikote hau Itzubaltzeta / Erromoko Santa Eugenia plazan arituko da 18:00etan. “Hiri” da Kepa Junkera musika munduan eredu bat dela erakusten duen sormen-ibilbidearen gailurra. Nabigazio-egunkari gisa, trikitilariak istorio kilikagarriak eta errepikatu ezinezko sentipenak batu ditu. Disko berri honetan bereziki erakartzen duena Junkerak giro etniko ireki eta zirraragarriak sortzeko duen gaitasuna da. Era berean, “Hiri” lanean erritmo desberdinak batzen ditu, hizkuntza berriak eta kulturek elkar ulertzeko lurralde berriak bultzatzeko helburuarekin.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun