Algortako 40 bat dendarik antolatuko dute datozen ostiral eta larunbatean herri horretako II. Merkatu Txikia. Aurten, berrikuntza bezala, saltokiak karpapean izango dira Telletxeko aparkalekuan. Bertan, mota guztietako produktuak ikusi eta erosi ahal izango dira. Besteak beste, zapatak, jantziak, etxerako gauzak eta mota anitzetako opariak gutxienez prezio erdian eta gehienez jota kostatzen zutenaren %80 merkeago topatzeko aukera egongo da 900 metro koadroko karpan. Erosketak goizeko 9:30etatik 20:30etara egin ahal izango dira, beti ere eskudirutan ordainduz eta produktuak itzultzeko aukerarik ez dela egongo jakinda.
Algortako Merkatu Txikia iaz egin zen lehenengoz eta publikoaren eta salmenten arrakasta ikusita aurten berriro egitea erabaki dute. Antolatzaileek azaldu dutenez, ekimenak honako bi helburu hauek ditu: “stocken geratu diren kalitate oneko produktuak bezeroei prezio merkean eskaintzea eta Algortako herrigunean egiten den ekitaldi horretan herritarren partaidetza sustatzea ere”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun