Era berean, Eusko Alkartasunak salatu du hegaldien jatorri militarra eta altuera baieztatuko balitz, 1994ko uztailaren 1eko 1489 Erret Dekretua urratuta egongo litzateke, bertan helizerik gabeko garraioen eta eraso zein ehiza-hegazkinen hegaldietarako gutxienezko altuera 600 metrotan finkatzen baita. Dekretu berean, gogoratu du Lasagabasterrek, ezartzen da aireontziek hirietan, herrietan edo bizilekuetan eraikin multzoen gainetik zein 10.000 bizilagun baino gehiagoko herrietan estalperik gabeko zonaldeetan pertsonen kontzentrazioen gainetik hegan egitea saihestuko dutela.
EAko diputatuak azpimarratu du ez dela “lehenengo aldia” euskal lurraldean abioi militarren presentziaz edo hirietan egindako maniobra arriskutsuez galdetzen duela eta aurretik idatzitako 053819, 020013 eta 001142 zenbakiko galderak gogoratu ditu.
Getxo udalerriaren gainean Espainiako Armadak egindako hegaldiei buruz galdetu du EAk
Hilaren 13an, asteazkena, goizeko 10:10ak aldera, bi ehiza-hegazkin bonbaketarik Getxo udalerriaren gainetik hegan egin zuten. Gainera, “lekuko askok adierazi duenez”, abioiek lurretik oso gertu egin zuten hegaldia, “udalerri horretako bizilagunen harriduraren eta ikararen artean”. Horrela azaldu du gertatutakoa Begoña Lasagabaster Olazabalek, Eusko Alkartasuneko (EA) diputatua Madrilen, astelehenean Espainiako Kongresuko Mahaiaren bidez Espainiako Gobernuari egindako idatzizko galderan. Lasagabasterrek Getxo udalerriko zeruan Espainiako Armadak egindako hegaldiak eta hegaldi horien altuerak baieztatzeko, hegaldi horiek zelan justifikatzen dituzten eta Gobernuak Eusko Jaurlaritzari horiei buruz emandako informazioa argitzeko eskatu du. Argazkia: Paolo Attivissimo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun