Gatazka Mesedetako Ama kalean sortu da, bertan uztailean egindako herrilanen harira. Getxoko Udalak baztertu zuen orduan PP keta dendarien elkarteak egindako kritikak, lanek merkealdietan eraginik ez zutelako izango adieraziz. Orain, “bi hilabete beranduago, kale horretako denden diru-sarrerak aurreikusitakoaren erdia” izan dira PPren arabera: “lanak zirela eta, kalea hankaz gora zegoen eta balizko erosleentzat kalera hurbiltzeko oztopoa bilakatu zen”.
Paulino Mendivil eta Andres Larrazabal
Udalak aipatu egoera sortu duenez, Udalak berak konpondu behar duela azpimarratu du PPk eta horretarako Mesedetako Amako dendariek “pairatutako galerak” arintzeko dirulaguntza sistema bat eratzea proposatu du. Era berean, dirulaguntzak Areetako beste bi kaletara zabaltzea gomendatzen dute: Paulino Mendivil eta Andres Larrazabal. Popularren esanetan “lanak direla eta murru bat altxatuta daukate orain dela urte bat baino gehiagotik”.
Marisa Arrueren arabera, “inork ez du eztabaidatzen lanen beharra, baina askotan lanak egiteko une aproposena zein den aukeratzean alderdi asko ikertu behar dira, haien artean lanek kale horietan bizimodua duten pertsonei zer nolako kalte eragingo dieten”.
Herrilanak pairatu dituzten dendariei kalte-ordainak ematea eskatu du Getxoko PPk
Getxoko PPk salatu du merkealdien azken denboraldiak “galerak” ekarri dizkiela Areetako hainbat dendariei Udalak uztailean hasitako herrilan batzuk direla medio. Egoera hori konpontzeko dendari kaltetuak laguntzeko sistema bat ezartzea proposatu dute popularrek. Getxoko Alderdi Popularrak gertatutakoa Iñaki Zarraoa alkatearen “burugogorkeriari” leporatu dio eta gogoratu du talde popularrak eta Getxo Enpresa eta Merkataritza elkarteak ekaineaneskatu zutela lanak abuztura arte atzeratzea, “dendariei behar baino gehiago ez kaltetzeko”. Marisa Arrue bozeramailearen aburuz, “ez da lehenengo aldia”, aurretik hainbat herrilan egin direlako uztailean, “udako merkealdiak hasten direnean”. Hortaz, “salmenta gehien duen hilabeteetariko batean” udal lanak egiteari ez dio ondo irizten Arruek, “salmentak oztopatzen” direlako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun