Aurtengo irailaren 22an , “Autorik gabeko eguna” ospatuko da behin eta berriz gure hiriburuetan eta baita Espainia eta Europa osoko hainbat herrialdeetan. Eginkizun hauek, autoa zentzu gehiagorekin erabiltzeak gure eguneroko bizitzan dakartzan hobekuntza eta garraio jasangarriago bat posible dela erakustea dute helburu. Testuinguru honetan, Berdeak-European Greens-ek bat egiten du hile honetan Europako Parlamentuko Talde Berdeak martxan jarri duen “Mugikortasun jasangarri” baten aldeko kanpainarekin.
Ibilgailu pribatuak daukan “gizartearekiko” kostua (istripuak, kutsadura, klima aldaketa, baliabideen desagerpena, paisaiaren hondaketa...) neurtua izan da Europa mailako txosten batean. Honen arabera, kostu hau trenbidearenaren hirukoitza da eta autobusaren eta baita abioiarena baino askoz ere handiagoa.
Arrazoi guzti hauengatik, Berdeak alderditik, ez dugu nahikoa ikusten bi edo hiru kaletan trafikoa ixtea urteko egun bakar batean. Gure erakundeak, garraio publikoaren erabileran eredugarri izateaz aparte, zoritxarrez hau ere arrotz eta deserosoa iruditzen zaie gaur egun, benetako ahaleginak egin behar dute bai garraio publikoa eta baita kutsatzen ez duten beste garraio alternatiboak bultzatzeko. Era berean ezin dezakete banakako autoaren erabilpena behartzen duen urbanismoa gehiago bultzatu, hiri kanpoaldean ikaragarrizko merkatal zentroak eraikiz adibidez.
Erakundeak herritarren ohitura aldaketa nola lagundu eta bultzatu dezaketen adibide on bat Alemanian daukagu. Jadanik martxan dagoen “MobilCard”, garraio publikorako txartel intermodala, hango biztanleei al den eraginkortasun eta erosotasuna eskaintzeko dago prestaturik. Azken finean autoa etxean lagatzera gonbidatzeko.
Bitartean, Euskal Herrian daukagun bizikleta, mendia eta basabideekiko zaletasunarekin, ordua da eguneroko bizitzara zabaltzeko. Gure planetak eskertu digu dudarik gabe.
Berdeak - European Greens
Gizakiaren burujabetasun eta askatasunaren alde gehien lagundu zuen elementuak, bere erabilera hedakor eta zentzugabekoaren ondorioz, gizakia berriro esklabotzen amaitu du. Gure ohiturak ez baditugu serioski aldatzen gure planetak garesti ordainduko du. Eta ez soilik berokuntzan. Europako herrialde gehienok ez dakigu, ez gara gai edota ez dugu autorik gabe bizi nahi. Urtero 1.000 kilometro baino gehiago, haien joan-etorri guztien %27, bizikletaz egiten duten gure Holanda edo Belgikako bizilagunekin konparaturik, norberaren autoz egiten ditugun joan-etorrien %10 kilometro bat baino gutxiago egiteko da, %30 3 kilometro baino gutxiagokoa eta %50 5 kilometro baino gutxiagokoak dira. Argazkian, iazko Autorik gabeko eguna Areetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun