Lehen harrera Sopelako elizan egingo diote Tokerori arratsaldeko 5:30ean eta handik ikurrinen lerroen artean Herriko Tabernara joango da herritarren ongi etorria jasotzera. Dena den, ordutegia Juan Mari Tokero kalera irtengo den orduaren araberakoa izango da. Bitartean, autobusekoekin arituko dira harrerako antolatzaileak telefonoz, unean uneko informazioa herriko tabernan zentralizatuz.
Tokero 1999 urtean irten zen espetxetik eta berriro sartu zuten 2002ko maiatzaren 13an Espainiako Auzitegi Nazionalaren aginduz. Bihar espetxe zigorra oso-osorik beteta irtengo da. Espetxeko gorabeherez gain, Uribe Kostako Amnistiaren Aldeko Mugimenduak “Juan Mariren familiar eta lagunek izan zuten auto istripu larria Teruelera bisita egitera zihoazenean” gogoratu du.
Sopelako Juan Mari Tokero presoa bihar, larunbata, kaleratuko da Teruelgo espetxetik. Uribe Kostako Amnistiaren Aldeko Mugimenduak Etengabe bitakoraren bidez jakinarazi duenez, bihar bertan harrera egingo diote Sopelan, printzipioz 17:30ean, herrira iritsiko den ordua oraingoz zehazterik ez badago ere. Gaur gauean, berriz, senide eta lagunen autobusa irtengo da Sopelatik Teruelera Juan Mari espetxeko atarian besarkatzeko eta herrira ekartzeko. Espetxean oraindik ez dute zehaztu zein ordutan utziko dute libre, baina goizean irtengo dela espero da. Hartara, autobusa goizeko 9:30erako Teruelen bertan izatea espero dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun