Segiren oharra:
Gudariak omentzeko egun honek, Euskal Herria askatasuna ezagutuko duen herria dela erakusten du urtez urte. Askatasunetik gertuago baitago, hain zuzen, eusko gudariek egindako borrokak fruituak eman dituelako, eta horregatik, asteazkena ere borrokarako eguna da.
Borrokaren bidez iritsi da Euskal Herria egundaino, eta borroka da independentziaren bidean urratsak emateko giltza bakarra. Borrokari esker ireki dira aukera berriak herri honetan. Gure gudarien borrokari esker, gaur, borroka egiteko aukera zabalik dago eta borroka da ere aurrerantzean jorratu beharrekoa.
Euskal Herriaren askatasunaren aldeko borroka izan da, hain zuzen ere, Estatu espainolaren eta frantsesaren errepresio estrategiak porrotera eraman dituena, eta aldi berean, gure herriak bizirauteko eta etorkizuna izan dezan herri mekanismoak eta eraikuntza bideak jorratzeko gai izan baita Euskal Herria. Horregatik da gaurkoan posible Euskal Herriaren lurralde batasuna eta autodeterminazioa eskuratzea. Prozesu demokratikoak aurrera egin dezan herri indarraren bultzada eta presioa beharko du, baina borondaterik izan ezean Euskal Herriak nahikoa indar eta kemen erakutsi du aurrerantzean ere pausu eta urrats atzeraezinak eman ditzan.
Gudarien borrokak zabaldu dizkio ateak askatasunari eta bidea berean egin beharko dugu lan eta borrokan aurrerantzean ere, borrokaren bideak soilik argituko baitizkio Euskal Herriari askatasuna.
Hori dela eta, Segi gazte erakunde independentista eta iraultzaileak deia egin nahi dio euskal gazteriari, eta oro har euskal gizarteari, asteazkenean, Gudari Egunean egingo diren ekitaldi eta mobilizazio guztietan parte hartzera. Gudariek piztutako suak argitu baitigu bidea!
Gora eusko gudariak!
Segi
Gaur arratsaldeko 8etan, eskualdeko manifestazioa egingo da Algortako Telletxe kaletik abiatuta, Gudari Eguna dela eta. Ondoren, Txiki eta Otaegi plazan ekitaldi politikoa egingo da. Santiago Pedraz Espainiako Auzitegi Nazionaleko epaileak Ertzaintzari eta Espainiako Polizia Nazionalari agindu die Gudari Eguneko ekitaldietan zelatatzen jardutea, “terrorismoaren gorazarre ekintzak” egotekotan haien kontra egin dezaten. Bestalde, Baena, Sanchez Bravo eta Garcia Sanz FRAPeko hiru kideekin batera Francoren diktadurak orain dela 31 urte erail zituen Jon Paredes “Txiki” eta Angel Otaegi, eta orokorrean eusko gudari guztiak, gogoan hartuta, gaurko egunean “gudariek piztutako suak argitu baitigu bidea!” lelopean mobilizazioetan parte hartzeko deitu du Segik. Argazkian, antzinako Gudari Egunerako KASek ateratako kartela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun