Besteak beste, honako lelo hauek aldarrikatu nahi dituzte e-mail bidalketa masiboaren bitartez:
- Iñaki de Juana 60 egun gose greban, elkartasuna!
- Heriotza zigorrik ez!
- Bizitza osorako espetxe zigorrik ez!
- Euskal presoak Euskal Herrira!
- Estatus politikoa orain.
- Zuek ere erantzule!
- Konpromiso garaia da!
Iñaki de Juana Chaos euskal preso politikoak gaur, urriak 5, 60 egun egingo ditu gose greban. Hori dela eta, mobilizazioa izango da arratsaldean Algortan. Uribe Kostako Amnistiaren Aldeko Mugimenduak Etengabe bitakoraren bitartez iragarri duenez, 19:30etik aurrera egingo da elkarretaratzea, Telletxe plazan. Bestalde, Donostiako EAJ, EA, EB-Berdeak, PP, PSE-EE eta Arritxu Marañon Giza Eskubideetako zinegotziari zuzendutako e-mail bidalketa masiboa prestatu dute gaurko: goizean, 11:00etatik 12:00etara izan bada; arratsaldean, 18:00etatik 19:00etara egingo dute. Azkenik, igandean, urriak 8, Iñaki de Juanaren askatasunaren aldeko autokarabana izango da Uribe Kostan. Algortan, 11:30ean da hitzordua, ohiko lekuan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun