Egun bat lehenago gure herriko hondartzetako batean, herri bezala ze eskubide ditugun argi azaldu ziguten paraxutista espainiarrek. Aipatutako aldizkariko kazetari bat zegoen han, eguneko berriari argazkiak ateratzen. Guardia Zibilak, ahal izan zizkion traba guztiak ipini ondoren, elkar ikusiko zutela argitu zion. Eta egun bat beranduago argazki guztiak desagertu ziren.
(Honaino helduta kakotxa ireki gurako nuke irakurlearen gogoetarako. Mundua kasualitate multzo moduan ulertzen baduzu segi hurrengo orrialdera. Paranoikoa naizela uste baduzu uniformedunen eskutan jausi ez zarelako da. Konturatu arte, segi hurrengo orrialdera.)
Geratzen zaretenoi esan nahi nizueke, gatazka politikoa konpontzeko urratsak zenbat eta sendoagoak izan hainbat eta bortitzagoa izango dela ultraeskuindarren erantzuna. Horregatik salatu behar ditugu ikusten ditugun gauza arraro guztiak. Gero... berandu da beti.
"Berria"n 2006ko urriaren 6an argitaratutako artikulua
Egunez uniformatuak, gauez inkontrolatuak. Aurreko bariku gauean lapurreta ulergaitza jazo zen Algortako Aldai Patronatuan. Gure herriko euskalgintzako erakunde gehienak fisikoki elkartzen dituen Martin Ugalde txikian. Eta ulergaitza diot ahalik eta balio ekonomiko handiena bereganatzeko lapurrek duten irizpideari jarraiki. Izan ere, nahiz eta zenbait diru eskuratu, eroan zuten material gehiena informazioa eta hau kudeatu zein garatzeko bitartekoak baitziren. Ordenagailu bat, material informatikoa eta hiru urtetako milaka argazki ostu zizkioten UKBerri aldizkari digitalari. Euskara, Errugbi eta Herri Kirol taldeen bulegoetan paperak miatu eta zenbait diru hartu zuten. Balio ekonomiko handiagoko gauzak utzita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun