Itxartu taldeak antolatutako XXIV. ibilaldi neurtuaren bigarren saria ere bi algortarrek erdietsi dute; Maite eta Aritzek hain zuzen ere. Hirugarrena, berriz, Derio aldera joan da: Untza mendi taldeko Pako eta Jesusek eskuratu dute. Bestalde, sari berezia eman diete parte-hartzaile gehien ekarri dituzten mendi taldeei: Andui (Mungia), Urko (Sopela), Untza (Derio) eta Sollube mendi taldea (Meñaka), hurrenez hurren. Kirolari nagusienek ere garaikurra jaso dute: batetik, Getxoko Udalak emandako kopa hartu du Patxo 72 urteko fruiztarrak; bestetik, emakumeen artean, 60 urteko Karmen, Maria Teresa eta Isabel izan dira sarituak. Azkenik, bizikleta bana jaso dute Itxartu taldeko Gorka eta Mikelek, 16 urtetik beherakoen artean onenek, hain zuzen ere.
Itxartu Herrialde Katalanetan
Bestalde, Sant Feliu de Llobregateko (Herrialde Katalanak) folklore tradizionalaren hirugarren erakustaldian parte hartzen ari da egunotan Itxartu dantza taldea. Gaur goizaldean irten dira 25 bat musikari eta dantzari eta urriaren 15ean itzuliko dira.
Gaur goizean irabazitako garaikurrak eskuan dituzteneko neska mutilen argazki pare bat UKBERRI.NETek Flickr-en duen kontuan ikus daitezke.
Urtero bezala, gaur, urriak 12, Algortako batzokian izan du irteera eta helmuga Itxartu taldeak antolatutako ibilaldi neurtua. Hain zuzen ere, sariak ematerakoan nabarmendu dutenez, “24 urtetan, bi emakumeek irabazten duten lehenengo aldia izan da aurtengoa”. Etxean gelditu da garaikurra, gainera: Irune eta Mari Cruz algortarrek egin dute denborarik onena. Goizeko 7:54an abiatu eta 11:56an iritzi dira helmugara, 18 kilometro inguruko ibilbidea egiteko hiru ordu eta 58 minutu erabiliz (batezbesteko denbora baino bi minutu eta 21 segundo gehiago). Hala ere, parte hartu duten 70 ume eta helduen 160 bikote guztiek jaso dute opariren bat, Zabala eskoletan eguerdian izan den txitxiburduntzian sabelak bapo betetzeaz aparte. Besteak beste, Roberto Laiseka txirrindularia, Rikardo Ansotegi Itxartu taldeko lehendakaria, Jose Luis Bilbao Bizkaiko ahaldun nagusia eta Iñaki Zarraoa Getxoko alkatea aritu dira sariak banatzen. Argazkian, ume txikitxoak garaikurrak eskuan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun