Carmelo Barrio EAEko Alderdi Popularreko idazkari nagusiak gaitzetsi ditu bart Eibarren eta Areetan batzokien kontra egindako pintaketak (argazkian) zein Gasteizen Vital Kutxa eta Espainiako Bankuaren kontra izandako kale erasoak. Barriok “Batasunaren legalizazioari buruzko eztabaidan presioa mantentzeko muturreko alderdi horrek antolatutako kanpaina terroristaren” barruan kokatu ditu aipatu erasoak, “zehazki Gobernuaren hitzen ostean eta Arabako hiriburuan ustezko bi kale-terrorista atxilotu ostean”. Horregatik, Zapaterok Batasunaren balizko legalizazioari buruz esandakoa kritikatu du Barriok: “erabateko arduragabekeria izan da, demokrazia merkealdietan jartzen baitu”.
PPko buruzagiaren arabera, “Batasuna bortxakeria gaitzetsi gabe jarraitzeaz gain, bortxakeria erabiltzen eta antolatzen du astebururo gure kaleetan”. Barrioren ustez, Batasuna “zigorgabetasunaz eta hiritarren artean sortzen duen ikaraz” baliatzen da “gure Gobernuak lege-estalgarria zelan emango dien pentsatzen duen bitartean”. Horregatik, Barriok Moncloari “zigorgabetasunarekin” amaitu dezan eskatu dio eta berretsi du “prezio politikorik gabeko bakea” gizartearen "eskubidea" dela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun