Bestalde, hazkuntzarako sostengu taldea hilero laugarren larunbatean biltzen da, goizeko 11etan. Hortaz, hurrengo bilera urriaren 28an izango dute, botika alternatibo eta naturalei eta gaixotasun arrunten tratamenduari buruz hitz egingo dutela. Taldearekin harremanetan jartzeko 646 427 618 (Eva) eta 944 331 743 (Jule) telefonoetara dei daiteke.
Era berean, Haurdun elkarteak gogoratu du hamaika artikulu, liburu eta bideo dituztela eskura eta edozein kontsultari arreta egingo diotela Errondabideko lokalean, hilero bigarren astelehenetan 18.00etatik 20:00etara eta laugarren astearteetan 10:00etatik 12:00etara. Badaezpada ere, aurretik deitzea aholkatzen dute: 944 233 288 edo 944 162 727 telefonoetara astelehenetan eta 944 103 778 astearteetan.
Haurdun haurdunaldi, erditze eta hazkuntza kontziente eta gizatiarren aldeko elkarteak bederatzi bilera irekiak antolatu ditu ikasturte honetarako. Batzar guztiak Boluntan izango dira, Bilboko Zazpikaleetako BBK eraikinean, Errondabiden, eta erdaraz zabaldu dituzten gaiak honakoak izango dira: “erditzeko eta bizia emateko plazerra”, urriaren 21ean; “Erditze esperientziak”, azaroaren 11n; “Erditze naturala. Ezberdintasunak medikatutako erditzearekin”, abenduaren 16an; “Zer gertatzen da erditzearen ostean?”, 2007ko urtarrilaren 13an; “Aitaren rola”, otsailaren 10ean; “Erditze naturala. Ezberdintasunak medikatutako erditzearekin”, martxoaren 10ean; “Erditze esperientziak”, apirilaren 21ean; “Zer gertatzen da erditzearen ostean?”, maiatzaren 12an; eta “Erditzeko eta bizia emateko plazerra”, ekainaren 9an. Saio guztiak goizeko 10etan izango dira. Argazkia: Gustavo Henrique.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun