Bayok ospe handia lortu du munduko agertoki eta areto nabarmenetan, kultur iturri getxoztarrek adierazi dutenez. eta Algortan "ezin hobea den bere estiloa eta dirdira erakutsiko ditu, bere karrera artistikoaren momenturik hoberenean aurkitzen baita". Kritikaren eta publikoaren iritziak bat datoz: "Bayoren karisma, bere ahots-tinbrearen zolitasuna eta argitasuna, bere ahoskera eta, batez ere, antzezten dituen pertsonaien psikologia zehaztasunez interpretatzeko gaitasuna azpimarratzen dute". Abeslari hau Barrokotik XX. mendera arteko pertsonaia desberdinak antzezteko gai da. Halaber, lieder eta oratorio errepertorioan arreta berezia jarri du urtez urte eskaintzen dituen errezitaldietan eta kontzertu sinfonikoetan. Bere jardueran zehar nazioarteko hainbat sari jaso ditu, esate baterako, Belvedere Nazioarteko Lehiaketaren lehenengo saria eta Vianako Printzea Saria.
Erakusketa
Kontzertuak osatzeko eta W. A. Mozart konpositoren jaiotzaren 250. urteurrena ospatzen ari denez, berari buruzko erakusketa izango da ikusgai Algortako erakustaretoan (Vilamonte, A-8) azaroaren 10era arte. Bertan, zenbait taulatan, artista handi honen lana, bizitza eta XVIII. mendeko musika ezagutu ahal izango dituzte bisitariek, besteak beste.
Gaur arratsaldean abiatuko da Getxoko Udazkeneko Kontzertuen XXI. edizioa eta azaroaren 7ra bitartean bost emanaldi izango dira. Lehenengo saioan María Bayo (argazkian) soprano ospetsua arituko da, Algortako Getxo Antzokian, 20:00etan. Oraingo honetan W.A. Mozart, Jose de Nebra, Oscar Espla, Eduard Toldra eta Xabier Montsalvagen piezak eskainiko ditu abeslari nafarrak, Roger Vignoles piano-jolearen laguntzaz. Ziklo honen kontzertuetarako sarrerak salgai daude Algortako kultur etxean, BBKren orotarako kutxazainetan, 944 310 310 eta 944 914 080 telefono zenbakien bidez eta www.bbk.es webgunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun