Bost graffitietan parte hartzeko izena eman ahal izango da azaroaren 10etik 27ra. Udalak jakinarazi dituen baldintza bakarrak dira 30 urtetik baino gutxiago edukitzea eta graffitiaren teknika ondo menperatzea. Eskatzaileak batzar batera deituko dituzte hormak taldeka banatzea erabakitzeko, behar diren materialak finkatzeko eta zein egunetan margotu zehazteko. Izena emateko Gazteen Informaziorako Bulegora deitu behar da: 944 910 114 telefono zenbakira.
80 nazionalitate
Migrazio mugimendu handiak asko hazi dira azken urteotan. Gaur egun, mundu osoan 150 bat milioi lagun bizi eta lan egiten dute beren jatorrizko herrialdeetatik kanpo. Euskal Herrira etorkin asko etorri dira eta Getxo ere ez da mugimendu horietatik aparte geratu. Beste toki batzuetatik heldutako langile ugari, errefuxiatuak, asilo eskatzaileak, etorkinak eta horien familiak Getxoko auzokideak izatera pasa dira, eta udalerriari aniztasun oparoa eman diote, bereziki azken 6 urteotan. Udalak eman dituen datuen arabera, Getxon bizi diren Estatu espainiarretik kanpoko atzerritarren kolektiboaren ezaugarrien artean gaztetasuna eta emakumezko ugari izatea daude. Herritar horien artean 80 nazionalitate desberdin baino gehiago daude.
Etorkinen Nazioarteko Eguna ospatzeko bost graffiti egiteko baimena emango du Getxoko Udalak
Datorren abenduaren 18an ospatuko da mundu mailan Etorkinen Nazioarteko Eguna. Data hori omentzeko, aniztasunaren eta kulturen arteko bizikidetza bultzatzeko eta inguruko gazteen sormena bultzatzeko, Getxoko Udalak udalerriko bost hormatan pintatzeko baimena emango du. Horrela, adierazpen askatasuna erabiltzeagatik hainbat graffitilariri isuna jarri beharrean materiala ordainduko die Getxoko Udalak. Udal Gazteria eta Inmigrazio zerbitzuek jakinarazi dutenez, helburuetako bat bertoko eta atzerriko artistek parte hartzea lortzea da. “Asmoa udalerriko gazteen sormena eta ahalmen artistikoa berriro goraipatzea da, bere egunean (2004an) Getxon egin zen Euskal Herriko Graffitien Txapelketarekin egin genuen bezala. Baina oraingoan gaiak eta protagonistek Getxoko herritarren aniztasunarekin izango dute zerikusia” azaldu du Imanol Landak, Presidentzia Arloko zinegotzia izateaz gain, EAJko alkategaia ere badena. Argazkian, Getxoko Udal Euskaltegiko horma, bizikletak uzteko burdina jarri eta kartelak ipintzeko panela kendu ostean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun