Batetik, bitxia da oso EB-Berdeak taldeak AHT eta LZPren aurkako jarrerak, bai eta askatasunaren, sozialismoaren eta are komunismoaren aldeko aldarrikapenak, ezker abertzaleari lotzea, ezein errebindikazioren aurretik. Haiek aldarrikapen horietatik kanpo kokatzen diren seinale. Hitz horiekin, egunero Getxoko Udalean egiten duten EAJren eskumako politikaren jarraikeria berrestera datoz berriro ere.
Bestetik, demokrazia ikastaro arinari dagokionez, erreza da erantzuna: demokraziaren lehen ikasgaia, herriaren borondatea errespetatzea da, eta herriak aukeratutako ordezkariei beren ordezkaritza aitortzea. EB-Berdeak taldeak hiru urte t'erdi daramatza Getxo Biziak eskuratu zuen zinegotzi aulkia okupatuta, inongo lotsarik gabe. Horri esker hain zuzen lortu dute Gobernu Batzordean egon eta agintearen pribilejioak dastatzea.
Euskaraz, besteen gauzak hartzeari lapurreta esaten zaio. Espainiako epaileek onartutako lapurreta da bai; baina guztiz antidemokratikoa, eta botua eman ziguten 2.756 getxoztarrekiko begirune bakoa.
Ozpela ikutu du EB-Berdeak taldeak, ezker abertzaleari demokrazia eta besteekiko begirunea zer diren aipatzean.
Getxo Bizia Plataforma
EB ezkerreko aldarrikapenetatik at kokatu dela eta demokraziaren oinarriak ez dakizkiela erantzun du Getxo Biziak
Atzo goizean AHT eta LZPren aurkako pintadak agertu ziren Ezker Batuaren Algortako egoitzan, Euskal Herriaren askatasunaren eta sozialismoaren aldeko aldarrikapenekin batera. Dena, komunismoaren ikur historikoa diren igitaia eta mailuaz lagunduta. EB-Berdeak, taldeak berehala egotzi dizkio pintadak ezker abertzaleari, “besteekiko begirunea zer den ikas dezan demokrazia ikastaro arina egiteko” gomendatuz. Honen aurrean, Getxo Bizia, ezker abertzaleko taldea izanik, ezin da mutu geratu. Argazkian, orain dela hilabete batzuk Aitor Lafuenteren aurkako pintaketak ere egin zituzten EBko bulegoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun