"Birziklatze eta iraunkortasuneko udal politikari jarraiki", balio ez duten CDak eta DVDak birziklatzeko edukiontzia jarri dute Lemoizko udaletxeko lehen solairuan. Horrela, bildutako euskarri optikoak birziklapen-enpresa bateraino eramango dituzte. Enpresa hau bere tratamenduaz arduratuko da polikarbonatoa eskuratzeko. "Izan ere, material honetaz osatuta daude %99an eta, gainera, prestazio handiak ditu. Batez ere oso gardena delako eta ezaugarri mekaniko izugarriak dituelako, bereziki talkarekiko erresistentzia", azaldu du tokiko erakundeak. Horregatik, birziklatutako materiala automozioko sektorean erabiliko da, eskuleku, ate-irekitzea, barneko mekanismoen piezak... bezalako aplikazioetan.
Material hau eskuratzeko hainbat urrats jarraitu behar dituzte. Lehenik, errota batean sartzen dituzte zati txikitan xehatzeko. Jarraian, materiala ikuzten dute garbitu eta tinta-hondarrak eta etiketak kentzeko. Horren ostean, zulo batzuetan sartzen dute lehor dadin. Lehortutakoan, materiala berotzen duten urtzeko beharrezko den tenperatura lortu arte. Urtutako materiala ebaki eta hozten dute dilista baten neurriko zati txikitan. Prozesu honi grantzeatua esaten zaio. Eskuratutako galautsa zakuratzeko makinetan ontziratzen dute, eta ondoren, fabrikazio prozesuan lehengaitzat erabiliko duten enpresetara eramaten dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun