Galdaretxeko lanen aurkako helegitean, "hutsune legalak" hartzen dira oinarritzat. "lehenik, inguruaren gaineko eraginari buruzko txostena eskatzen duten zenbait arau legal urratzen ditu proiektuak. Bigarrenik, proiektuak Getxoko Hirigintza-Antolamendurako Plan Orokorra (HAPO) ere urratzen du, errepide bat egin nahi delako oinezkoen gune batean. Hirugarrenik, Kosta Legeari egiten dio muzin, proiektuak aldez aurretiko jendaurreko uinformazioaren tramitea gainditu ez duelako", nabarmendu du Getxo Biziak. Honengatik guztiagatik, lan hauek egiteko erabakia "deuseztatzea" eskatu du herri plataformak. Halaber, eta auzia ebazten den bitartean, badaezpadako neurri gisa lanak gelditzea ere eskatzen da helegitean, "konponezineko kalteak eragotzi ahal izateko". Azkenik, Getxo Biziak berretsi egin du Udalaren jarreraz lehenago egina duen kalifikazioa: "oso modu arinean ari da jokatzen ingurugiroan, hirigintzan eta ondare historiko-kulturalean eragin handia duen proiektu honetan".
Asanbladak
Azken lau urteotako balantzea egin eta datozen udal hauteskundeei begira horiek prestatzeko plana aurkezteko bi asanblada ireki egingo ditu azaroaren bukaeran Getxo Bizia ezker abertzaleko herri plataformak. Lehendabizikoa, ostegun honetan, azaroak 23, izango da Algortako Aldai kulturgunean, 19:30etik aurrera. Bigarrena, berriz, Itzubaltzeta / Erromon izango da: azaroaren 28an, asteartea, 19:30ean, Branka herriko tabernan.
Getxo Bizia herri plataformak administrazioarekiko auzi-helegitea aurkeztu zuen, azaroaren 17an, Ereagatik Algortako Portu Zaharrera, Getxoko Udala egiten ari den lanen aurka. Helegite hau, duela hiru hilabete ezarritako Deuseztasun Akzioaren ondoren dator, jakinarazi dutenez. "Akzio hura Udalaren aurrean jarri zen, eta honek hiru hilabetez erantzun ezean, isiltasun administratiboagatik ez onartutzat eman behar da. Horrela, orain Bilboko Administrazioarekiko Epaitegiak erabaki beharko du auzi honen inguruan", azaldu dute ezker abertzaleko kideek. Beste alde batetik, azken lau urteotako balantzea egin eta datozen udal hauteskundeei begira horiek prestatzeko plana aurkezteko asanblada bana egingo du Algortan (azaroak 23) eta Itzubaltzeta / Erromon (azaroak 28) Getxo Biziak. Argazkian, Galdaretxe haitza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun