Aurten, popularren iritziz, preso getxoztarren senideentzako “laguntzak aurreikuspen guztiak gainditu ditu eta getxoztar guztion zergetatik aterako diren eta pertsona horien joan-etorriak ordaintzeko balioko duten 45.000 euroko kopurura heldu da”. Horren aurrean, PPk gogoratu du Getxo “terrorismoak gehien kaltetu duen” udalerrietako bat dela, eta bertan sei bonba-auto jarri, 16 pertsona erail eta hainbat auzokide bahitu eta mehatxatu dituztela, “kale borroka” ere ahaztu gabe.
“Halere”, Arrueren ustean, “Zarraoak eta bere taldeak gertaera horiek ahaztu eta gure herrian terrorismoaren biktimei ezker oneko ekitaldia egiteko bideratu diren proposamen guztiak baztertu dituzte. Agintaldi osoan zehar, EAJ, EA eta Ezker Batuak osatutako gobernu taldeak ez du egin nahi izan inolako omenaldi, oroitarri, kale edo plaza biktimen omenez”.
Euskal presoen senideei bisitetarako dirulaguntzak ukatzea eta diru hori ETAko biktimei ematea eskatuko dio PPk Getxoko Udalari
Getxoko PPk “ETAko presoen senideentzat” datorren urteko udal aurrekontuan finkatuta dauden 45.000 euroko aurrekontu-saila bertan behera uztea eta diru hori “terrorismoaren biktimekiko elkartasunezko eta omenezko” ekitaldi bat egiteko bidera dezaten jasotzen duen mozioa proposatuko du datorren Udal Batzarrean. Marisa Arrue (argazkian) Getxoko PPko bozeramailearen arabera, “urtez urte, udal gobernu taldeak terroristengandik biktimengandik baino gertuago dagoela erakusten du”. Horren froga da, popularren ustez, Getxoko Udalak “ETAko presoen senideek kartzeletarako bidaien gastuak diruz laguntzeko diru kopuru handia bideratzea” eta “aldi berean, terrorismoaren biktimak izan diren pertsonei inolako laguntzarik ez ematea”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun