Iñaki Urkiza Gizarte Zerbitzuetako zinegotziak azaldutakoaren arabera, 150 kartel argitaratu eta, Getxo udalerrian, 30.000 postal banatu dira etxez etxe. Hauek, tratu txarrak gertatzekotan erabili ahal diren larrialdi telefono zenbaki guztiak jasotzen dituzte atzean. Horretaz gain, “Emeki” aldizkariaren zortzigarren zenbakia atera dute, emakumeek jasaten duten indarkeriaren ganean beren beregi egindako ale berezia.
Etxeko indarkeria
Aurreikusitako egitarauaren barruan, gaur bertan, azaroak 24, “Sueño de una mujer despierta” izeneko fikziozko film laburra eskainiko dute Algortako Getxo Antzokian, 22:00etan. Horren zuzendari eta aktoreetako bat egongo da bertan: Azucena Fuentes. Honek, gizon eta emakumeen artean eginkizunak aldatzea oinarritzat hartuta, eta ikuspuntu ironiko, berri eta harrigarritik jorratzen den etxeko indarkeriaren ganean hitz egingo du, udal ituriek jakinarazi dutenez.
Bestalde, Getxoko Udalak pasa den urriko udalbatzarrean onartu zuen emakumeek jasaten duten indarkeriaren aurkako adierazpena (pdf).
“Sueño de una mujer despierta” izeneko film laburraren emanaldia, gaur, eta "Emeki" aldizkariaren ale berezia prestatu ditu Getxoko Udalak, datorren larunbatean, azaroaren 25ean, izango den Emakumeek jasaten duten Indarkeriaren Aurkako Nazioarteko Egunaren harira. Gaur baita, hilak 24, Getxoko Andreen Elkarteek elkarretaratze isila deitu dute, Areetako Xake plazan, 20:00etatik aurrera, Udalaren babesarekin. Hain zuzen ere, herritar guztiak deitu dituzte horretan parte hartzera. Ekimen guzti hauek Berdinsarea emakume eta gizonen berdintasunaren aldeko eta emakumeenganako indarkeriaren aurkako EAEko udalen sarearekin elkarlanean egingo dira. Argazkian, banatutako kartel eta postaletan agertzen den irudia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun