Larunbatean, arratsaldeko 6etan, komunikatu bana irakurriko dute, udaletxeko eskaratzean, udal arduradunek eta Itzartukoek. "Biak bat datoz era honetako jazarpena ekiditeko udalen lana azpimarratzean, herritarrengandik gertuen dauden erakundeak izanik", adierazi dute udal iturriek. Puxika zurien aireratzea, “Agua” filmaren proiekzioa eta hitzaldia etorriko dira ondoren.
Aintzane Garairi omenaldia
Egitarauan aipagarria da Aintzane Garai zenak jasoko duen omenaldia, iazko urrian, sexu jazarpenaren biktima izan zelako.
Urteak dira Sopelako Udalak eta Itzartu elkarteak elkarrekin antolatzen dituztela egun honetako ekitaldiak, etxeko indarkeria gaitzetsi edota sexu jazarpena baztertzeko asmoz.
Tratu txarren kontrako egunean esku har dezaten dei egin diete Sopelako gazteei
“Gazteek esku hartzea gustatuko litzaiguke, oraindik indarkeria mota honen kontrako inplikazio handiegirik ez daukatela ikusten baitugu”, hitz hauekin animatu nahi izan ditu Itzartu Sopelako emakumeen elkarteak, herriko gizonezko gazteenak, emakumeenganako indarkeriaren kontrako eguneko ekitaldietan parte har dezaten. Larunbat honetan, azaroak 25, gogoratuko da mundu osoan era horretako indarkeria. Hala ere, gaur bertan iragarriko dute berdintasuna sustatzeko eguna, udaletxeko balkoi nagusitik lazo zuria eskegita, hori baita nazioarteko ekitaldiaren ikurra. Argazkian, Itzarturen ekitaldia iazko azaroaren 25ean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun