Oraingoan, Rober Garay, Roberto Gonzalez, Ricardo Sendra, Mario Lopez, Leandro Alzate, Kaiet Bengoetxea, Iñigo Ansola, Arkaitz Aranguren, Marín de Diego, Jesse James eta Julio Buenvida autoreen lanak izango dira ikusgai. "El balanzin" aldizkaria dohainik banatuko da Getxoko V. Komiki Azokan. Aurtengo ekitaldia abenduaren 1etik 3ra bitartean izango da, Areetako Xake plazan.
"El balanzin" aldizkariaren bigarren zenbakia kaleratuko dute Getxoko Komiki Azokarako
Getxoko V. Komiki Azoka dela eta, "El balanzin" aldizkariaren bigarren zenbakia argitaratuko du Euskal Irudigileen Elkarte Profesionalak (EIEP). Getxoko Kultur Etxeak lagunduta, elkarteko hainbat autoreren lanez osatuta dago. Adin guztientzako kolorezko argitalpena da "El balanzin". Aldizkarian, zenbait euskal sortzailek istorio anitz aurkezten dizkiote irakurleari: fantasiakoak edo errealistak. Horiekin guztiekin "publikoak bat egitea" nahi dute, Getxoko kultur iturriek adierazi dutenez. Bigarren zenbaki honetan komikiaren munduko joera berriak erakusteko erronkari ekin diote autoreek. Helburua da publiko gazteari heltzea, etorkizunean autore bihurtu daitezkeen gazteei, hain zuzen ere. Argazkian, "El balanzin" aldizkariaren bigarren zenbakia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun