Ertzaintzaren oharkabetasunak bortxatua izateko arriskuan jarri du getxoztar emakume bat
Ertzaintzak LV.M.C. 31 urteko gizonezkoa atxilotu du Getxo udalerrian, goizeko ordu txikietan, bere bikotekide ohiari sexu erasoa egitea leporatuta, emakumearen adin txikiko alabetako bat aurrean zegoela. Eusko Jaurlaritzaren Herrizaingo Sailak adierazitakoaren arabera, atea apurtuz sartu da ustezko erasotzailea andraren etxean. Hasiera batean, bertatik ihes egin behar izan du gizonak, bikotekidearen laguntza eske oihuengatik. Hain zuzen ere, polizia agenteak inguruan zebilen ala ez ikustera joan direnean itzuli da LV.M.C. neskalagun izandakoaren etxera. Bertan atzeman dute ertzainek, antza denez, berriro ere emakumea bortxatzen saitu ostean. Gogoratu, orain dela hiru egun eskaz izan zela Emakumeenganako Bortxakeriaren Aurkako Eguna. Argazkian, emakumeen aurkako erasoak salatzeko, Getxoko Bilgune Feministak Algortan egindako kontzentrazioetako bat.
Goizaldeko 4ak pasata jaso du emakumearen deia Ertzaintzak, bere bikotekide ohiak sexu erasoa egiten saiatu dela ohartaraziz. Berehala, emakumearen etxera joan da patruila-auto bat eta, ustezko erasotzailea bertan ez zegoela konprobatu ostean, atea bortxatuta zegoela ikusi dute polizia agenteek. Adin txikiko hiru alabekin zegoen andra. Hain zuzen ere, gizona inguruan zebilen ala ez ikustera joan direnean itzuli da LV.M.C. neskalagun izandakoaren etxera. Ertzainak bigarren abisua jaso eta berriro heldu direnerako etxetik kanpo zegoen emakumea, 9 urteko alabarekin. Adierazi dienez, berriz oldartu zaio mutilagun ohia eta beste behin ere libratu behar izan da eta bere neskatxarekin ihes egin. Etxe barruan, berriz, LV.M.C. aurkitu dute. Hura atxilotu eta Neguriko ertzain-etxera eraman dute, ahalik eta lasterren, epailearen aurrean agertzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun