"Bitakora eta wikien garapen geroz eta handiagoak web gune kolektiboak lantzea ahalbidetzen du. Web 2.0 izenekoek, berriz, aplikazio sofistikatuak abian jartzeko aukera emango diete irakasleei, Internetera konektatuz soilik. Horrexegatik, hain zuzen ere, hezkuntza eta trebakuntza ditu helburu lehen edizio honek", azaldu dute EHUtik. Besteak beste, Alvaro Ramirez Ospina, Bergen Unibertsitateko (Norbegia) irakasle eta "lehenengo blogger-etariko bat eta bitakoren alorrean goren mailakoa" (azaroak 29, 16:30); Antonio Russo Bolzanotik (Italia) bertatik, hezkuntza zentruetan software librera migraziorako programaren zuzendaria (abenduak 1, 11:00); eta Mariano Segura CNICE erakundeko arduraduna (abenduak 1, 9:30) nabarmendu dituzte, parte-hartzaileen artean.
Egitaraua osorik ikusteko hemen klik egin.
Software libreak heziketan izan ditzakeen erabilerei buruz arituko dira ostiralera bitartean Leioako campusean
Azaroaren 29tik abenduaren 1era bitartean, Web 2.0 eta Software librea hezkuntzan eta formakuntzan. Nazioarteko 1. Biltzarra izeneko jardunaldiak antolatu ditu Euskal Herriko Unibertsitateak (EHU). Esan bezala, asteazken honetan hasiko dira, 16:00etan, Leioa eta Erandioko campuseko bigarren ikastegian. Hiru egunez, Euskal Herriko zein nazioarteko aditu, profesional eta ikerlariak batuko ditu biltzarrak, "software librearen etengabeko garapenak eta web 2.0 izeneko komunitate berriak ikasketa eta formakuntza beste modu batez pentsatzeko eskaintzen dituen aukerez eztabaidatzeko asmoz", unibertsitateko iturriek adierazi dutenez. Besteak beste, Eusko Jaurlaritzaren Hezkuntza, Unibertsitate eta Ikerketa Saila, Leioako Udala, Google España, Espainiako Hezkuntza informazio eta Komunikazio Zentroa (CNICE) eta Langileen Batzordeak (CCOO) sindikatua dira jardunaldien babesleak. Argazkia: Wu Ming Foundation.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun