“Ezintasunen bat duten lagunak trebatu eta horien lan beharrei erantzuna ematearekin batera, trebakuntza teknika egokituak ezarri nahi ditugu; lana lortzeko zailtasunik handienak dituzten kolektiboetan, arlo digitalean dagoen hutsunea bete aldera”, gaur goizeko prentsaurrekoan, Iñaki Zarraoa alkateak azpimarratu duenez. Lan-orientazio eta motibazioa, heziketa eta praktikak izango dituzte Digitalanen parte hartzen dutenek. "Udal dokumentuen digitalizazioa landuko dute besteak beste, gure udalerria mota horretako ekimenen bitartez informazio gizartean parte hartzen aitzindaria baita", aipatu du Zarraoak. Txema Franco Lantegi Batuak elkarteko zuzendariak azpimarratu duenez, “teknologia berriek laneratze prozesuan eskaintzen dituzten aukera berriak sustatzea ere dugu buruan. Ildo horretan, trebakuntza eta laneko eskarmentua aldi berean jasoko dute ezintasunen bat dituzten pertsonek”.
Non izena eman?
Ekimenean urritasun físikoak edo zentzumenetakoak, adimen-zailtasunak eta lan edo trafiko istripu baten ondorioz ezintasun iraunkorra duten pertsonek hartu ahal izango dute parte. Informazio gehiago: Behargintza zentroan, Algortako Martin Deuna kaleko 17 zenbakian. Telefono zenbakia: 944660140 / e-posta: behargintza[a bildua]getxo.net.
Lantegi Batuak elkarteak eta Getxoko Udalak enpleguaren aldeko hezkuntza-ekimena jarriko dute martxan urritasunak dituzten pertsonentzat; informazio eta komunikazioko teknologia berrien arloan. Digitalan izango du izena egitasmoak eta Eusko Jaurlaritzako Justizia, Lan eta Gizarte Segurantza Sailaren eta Europako Gizarte Fondoaren laguntza du. Ekimenari esker, urritasunen bat duten 10 lagunek teknologia berrien, digitalizazio tekniken eta agirien gestioaren gaineko heziketa jasoko dute eta, gainera, Lantegi Batuak elkarteak martxan jarri duen enpresa berri batean lan egiteko aukera emango zaie. Argazkian, hainbat lagun Lantegi Batuak elkarteko heziketa programetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun