Harrezkero, Larrokak AEBetan izan duen ibilbidea beste lan berriekin sendotu zen. Horien artean, "Excalibur" eta "The Uncanny X-Men" (X patruila) nabarmendu behar dira. Bere lehen enkargu handia "Heroes Reborn" miniseriean izan zen; berari esker Chris Claremont gidoilari famatuarekin lan egin zuen "Fantastic Four" (4 fantastikoak) berriro abiatzeko helburuz. Bere etapa berri honetan, "Newuniversal"-en gidaritzan, Salvador Larrocak estreinako aldiz bere marrazkien tindatzea eta grisak egingo ditu, akabera fotoerrealista bat emanez, irakurle eta editoreak harrituz.
Atzera begira
Larrocaren bisitaldia dela-eta, bere ibilbideri buruzko atzera begirako erakusketa antolatu du Getxoko Komiki Azokak, gaur egungo lanen lagin oparo batez lagundua. Gainera, "Newuniversal"-en aurkezpenean, ilustratzaileak berak jendeari bere azken lanaren sormen-prozesu zaila azalduko dio, eta mundu mailako aurkezpeneko argitaratu gabeko irudiak erakutsiko ditu, kultur iturri getxoztarrek aurreratu dutenez. Aurkezpen horretan, Marvel Comics-en babesa izan zuen.
Eguneko ekitaldiak
"Newuniversal" lan berriaren aurkezpenaz gain, beste hainbat nobedade ere aurkeztuko dira bihar Areetan: Astiberri, Glenat, Planeta, Norma, Iced Lands, La Cupula, Domen eta Cabezabajo argitaletxeek bere azken argitalpenak ekarriko dituzte azokara. Gonbidatutako egileei dagokienez, honako hauek parte hartuko dute sinatze-txandetan: Juan Gimenez, Javier de Isusi, Phil Jimenez, Manel Fontdevila, Albert Monteys, Raquel Alzate, David Rubin, Sandra Uve, Paco Roca, Laureano Dominguez, Féelix Sabate eta Jose M. Berenguer. Halaber, mahai-inguruak eta zine-proiekzioak ere izango dira. Azkenik, "Cómics Made In Spain" liburua aurkeztuko du Koldo Azpitartek.
Gaur goizean zabaldu dute bosgarren Getxoko Komiki Azoka. Ohikoa denez, Areetako Xake plazako 2.500 metro koadroko karpan izango da ikusgai, abenduaren 3ra bitartean. Ordutegia honako hau izango da: 11:00etatik 14:30era eta 17:00etatik 21:30era. Egitaraua ere ez da gutxiagorako: bihar, abenduak 2, Salvador Larroca marrazkilari ospetsua egongo da bertan. Artista valentziarrak Marvel argitaletxearentzat argitaratuko du hurrengo biñetak. Hori dela eta, azken lan hau aurkeztuko du Areetan: Newuniversal komikia, hain zuzen ere, Warren Ellis britainiarraren gidoiarekin egina. "Newuniversal" hilabete honetan kaleratuko da AEBetan. Lan honen bidez, superheroien genero tradizionalari beste ikuspegi bat eman nahi diote. Larrocaren jarduera luzean beste urrats bat da "Newuniversal", Marvelen Espainiako edizioetarako ilustratzaile gisa hasi zenetik (orduan, Planeta DeAgostini Comics-ek argitaratzen zituen bere lanak). 1992an, Marvelen britainiar filialak merkatu anglosaxoian sartzeko aukera eskaini zion, "Dark Angel" eta "Death's Head" komikiei esker. Handik gutxira, Marvel USAren lehenbiziko enkargua jasoko zuen: "Hulken 20. Annual". Gero "Ghost Rider" hartu zuen bere ardurapean, bi urte eta erdiz. Denboraldi horretan Iparramerikako beste argitaletxe handi batentzat ere jardun zuen: DC Comics. Azken horientzat "Flash"-en zenbait zenbaki marraztu zituen, eta Wildstorm zigiluarentzat ere aritu zen, "Stormwatch" komiki sortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun