- Konstituzio hau erregeak berretsitakoa izanik, frankisten legezkotasunetik dator, zehatzago, EGIk irmotasunez baztertzen duen erregimen autoritario eta diktatorialetik.
- Espainiar estatutik bereizitako lurralde giza eta euskaldun giza ere, ez du gure beharrizan eta berezitasunei erantzuteko balio izan konstituzio honek.
- Konstituzio zentrista eta homogeneizatzailea da edozein errealitate ezberdin ukatzen duena.
- Espainiar estatuko pluraltasuna eta nazionalitate-aniztasuna ukatzen ditu.
- Herritar bakoitza bere hizkuntzan adierazteko aukera ukatzen duen konstituzioa da.
- Hiru botereen banaketa bermatzen ez duen konstituzioa da, orain gutxi Ibarretxe Lehendakariaren kontrako auzian ikusi ahal izan dugun moduan.
- Gernikako Estatutua errespetatzen ez duen konstituzioa da, berak barneratua daukan lege organikoa izan arren.
Ondorioz, Euzko Gaztedik konstituzio hau ukatzeko erabakia berresten du eta premiazko eskaera egiten die goi mailako arduradun politikoei eta gizarteari, Euskadirentzako konstituzio baten alde lan egin dezaten.
Euzko Gaztedi (EGI)
Estatu espainiarrak, gaur, urtero bezala, Konstituzio Eguna ospatzen du, 1978. urtean botoen %88,54arekin onartu zen konstituzioa. Euskadin ordea, %23,92ek ezezko garbia eman zien konstituzio honi eta bere defendatzaileei. Aldiz, %55,35a abstenitu egin zen argi eta garbi utziz konstituzioak gure lurraldeetan sortzen zuen arduragabetasuna. Gaur, 28 urte aurrerago, konstituzio honi berriro ezetz esateko momentuan aurkitzen gara, 1978an hartutako jarrera berretsiz. Argazkian, Euzko Gaztedik (EGI) Donostiako Konstituzio plazan goizean antolatutako elkarretaratzea, non 50 bat lagun batu ostean bertako errotulua aldatu duten, "Independentzia enparantza" plaka jarriz / EGI.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun