Nazio Batuen Erakundeak izendatuta, abenduaren 10ean izango den Giza Eskubideen Eguna aitzaki, urrats ezberdinak edukiko ditu Udalbiltzak deitutako Naziotasun Eskubidearen Egunak: Durangoko azokan, urteroko presentziaz gain, harago joan nahi dute. Hori dela eta, EHNA bideratzeko aukera izango da bertan, beharrezko agiriak (errolda agiria eta hiru argazki) aurkeztuta betiere; gainera, EHNAdunek Eskaera Ofiziala betetzeko aukera izango dute. Tramitazio bulegoa hilaren 6, 7, 8 eta 9an irekita egongo da, azoka aurrean dagoen Elkartegian, goizeko 11etatik 14etara; bertan tramitazio hauek bideratuko dituzte hautetsi ezberdinak.
Durangotik unibertsitateetara
Abenduaren 11 eta 18an, berriz, unibertsitateko ikasleek bere gain hartuko dute Naziotasun Eskubidearean Eguna eta tramitazioak burutuko dira Leioa, Ibaeta, Iruñea eta Gasteizko campusetan. Hilaren 15ean langileak izango dira ikasteen testigua hartu eta hainbat lantegietan tramitazioak burutuko dituztenak. Eta 16 eta 17an euskal jendarte osoak tramitatu ahal izango du hamainaka herrietan.
Gaurkoa Espainiar Konstituzioaren eguna dela eta, "jai inposatu honen aurrean, euskal herritarrak beren naziotasun eskubidea kalean" aldarrikatzera deitu ditu Udalbiltzak. Era berean naziotasun aldarrikapen hori zabaldu eta gauzatzeko Euskal Herriko Naziotasun Aitormena (EHNA) eta Nazio Batuen Erakundearen aurrean euskal naziotasuna aintzat hartzeko eskaera ofiziala tramitatzeko deia luzatu dute udal hautetsiek, bereziki abenduak 16 eta 17an izango den Naziotasun Eskubidearen Egunean. Horrekin batera, EHNA eta Eskaera Ofiziala egiteko aukera egongo da astelehenean, abenduak 11, EHUko Leioa eta Erandioko campusean. Bestalde, pasa den 23ko EHUko hauteskundeetan, bozka EHNArekin egiteko ikasleek emaniko urratsa txalotu du Udalbiltzak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun